Zukerberq Oksana Rəsulovanın səhifəsini rəsmiləşdirdi

Facebook Azərbaycanın tanınmış simalarından daha birini özünə əlavə edib. 

     Facebook Azərbaycanın tanınmış simalarından daha birini özünə əlavə edib. Axşam.az-ın məlumatına görə, sosial şəbəkə rəqqasə Oksana Rəsulovanın da rəsmi səhifəsini tanıyıb."Nəhayət ki, Facebook səhifəm də rəsmiləşdi. İnstaqram profilimdə olduğu kimi, bura da işarələndi" deyə, sənətçi sevincini bölüşüb. O.Rəsulova bu yolla adına açılan saxta profillərin tanınmasına nail ola biləcək.Qeyd edək ki, bundan əvvəl stilist Anar Ağakişiyev, əməkdar artist Röya Ayxanın səhifəsi rəsmiləşdirilib. 

     Müğənni Sevda Yahyayeva yenidən imicini dəyişib. İfaçı qısa saçlarını yenidən uzadıb. S.Yahyayeva yaradıcılığındakı yeniliklərə də toxunaraq, gənc bəstəkarlarla işləməyə üstünlük verdiyini deyib:"Yaxşı mahnılar ərsəyə gətirmək üçün çoxlu pul lazımdır. Keyfiyyətli iş maddiyat tələb edir. Hazırda bir neçə yeni mahnı üzərində çalışıram".

     Türkiyədə yaşayan müğənni Azəri Günel Zeynalova sosial şəbəkədə arxiv fotosunu paylaşıb. İfaçı şəkildə 3-4 yaşında olduğunu vurğulayıb. 

      Müğənni Xatun Əliyeva il yarım əvvəl başına gələn oğurluq hadisəsindən danışıb. Sənətçi açıqlamasında bir çox insanın bu hadisəyə inanmadığını, onu yalançı adlandırğını deyib: "Allah heç kimin başına oğurluq hadisəsi gətirməsin. İl yarım bundan əvvəl şou-proqramdan çıxanda maşınımın ətrafında çoxlu adam gördüm. Avtomobilin şüşəsini sındırıb iki çantamı götürmüşdülər. Hərdən soruşurlar ki, hər şeyin orda idi? Bayram ərəfəsi idi, çoxlu verilişə gedirdim. Tez-tez dəyişmək üçün bütün qızılımı yanımda gəzdirirdim. Çalışırdım ki, bahalı çanta, eynək alım. Qəpik-qəpik yığıb qızıl almışdım. Bir ovuc brilyantımı apardılar. Qadınam, qızıl almışdım ki, harasa gedəndə mənim də üstümdə dəyərli nəsə olsun. İnsanlar buna inanmır ki, bu qədər qızıl oğurlanmaz. Mənim o qədər mal varlığım yoxdur, villada yaşamıram ki, çıxıb yalan danışım".

 

Əhəd Miriyev

 

MuzTv.az