Dünyaca məşhur “Akcent” Röyadan danışdı

Bakının qonağı olan dünyaca məşhur müğənni “Akcent”i gecə saatlarında hava limanında qarşıladıq. 

    Bakının qonağı olan dünyaca məşhur müğənni “Akcent”i gecə saatlarında hava limanında qarşıladıq. Eksklüziv görüntülədiyimiz Akcent yenidən vətənimizə gəldiyi üçün şad olduğunu bildirib. 5-ci dəfə ölkəmizə təşrif buyuran sənətçi artıq gəlişinin sayını belə itirib. Şəhər restoranlarının birində konsert vermək üçün vətənimizə təşrif buyuran müğənni, hava limanından birbaşa konsert salonuna üz tutub. Mediaya qapalı şəkildə reallaşan musiqili gecədə nələrin yaşanacağını isə Akcent öncədən açıqlayıb: “ Bu, Bakıya ilk gəlişim deyil. Bir müddət öncə də burada olmuşam. Yenidən Bakıya gəldiyim üçün çox xoşbəxtəm. Bu gün konsertdə yeni trekimi təqdim edəcəyəm. “Amor Gitana” adlı yeni mahnımı səsləndirəcəyəm.  Gecə boyunca canlı ifalarım olacaq. Məni sevənləri çox gözəl bir gün gözləyir. Azərbaycanın digər bölgələrində olmaq istəyirəm. Ümumiyyətlə qarşıda planlarım var ki, dünya turu çərçivəsində verdiyim konsertlər sırasına Bakı da daxil olsun. Mən bəzi Azərbaycan mahnılarını bilirəm. Onların adını sadalaya bilərəm. Azərbaycanı “Avroviziya”da təmsil edən iştirakçıları tanıyıram. O cümlədən, Röyanın adını eşitmişəm”.

 

Sevda Məmmədova

Elfaq Lələyev              

 

Muz-Tv.az