Meray Keri milyarder Ceyms Pakerlə nişanlandı

Müğənni Meray Keri milyarder Ceyms Pakerlə nişanlanıb.

    Müğənni Meray Keri milyarder Ceyms Pakerlə nişanlanıb.Axşam.az-ın xarici KİV-ə istinadən məlumatına görə, 45 yaşlı pop-diva ilə 48 yaşlı avstraliyalı milyarderin toyunun vaxtı isə hələ bəlli deyil. Paker müğənnini Nyu-Yorka çağıraraq ona sürpriz evlilik təklifi edib. Kiçik nişan mərasiminə ikilinin dostları qatılıb. Nişan üzüklərini taxan sevgililər gecə boyu əyləniblər.

    46 yaşlı aktrisa Cennifer Eniston ideal bədən formasını qocalanda da qorumaq fikrində olduğunu deyib.O, bu barədə "People" jurnalına müsahibəsində bildirib:"Mən 80 yaşımda da bikini geyinəcəyəm. Məncə, biz özümüzü yaşa görə göstərməməliyik, istədiyimizi geyinməliyik".Cennifer formada qalmaq üçün müntəzəm olaraq idmanla məşğul olur, düzgün qidalanır:"Sağlam qida və fiziki yüklənmələr uzun illərdir ki, həyatımın bir parçasıdır".

    Müğənni Yalın dünən sevgilisi Hazal Emreylə restoranlardan birində paparassilərin hədəfinə düşüb.Jurnalistlər ifaçıdan nə vaxt evlənəcəklərini soruşublar. 36 yaşlı müğənni "bu yay açıq havada toy etməyi düşünürük" deyib.

    Müğənni İrem Derici və radio aparıcısı Rza Esendemir barışıb.Bir neçə gün əvvəl İnstaqramda birgə fotolarını silərək bir-birini izləməni də dayandıran cütlüyün boşanacağı iddia edilmişdi. Eyni evdə yaşasalar da, küsülü olduqları, İremin depressiyaya düşərək yeməkdən imtina etdiyi deyilirdi.Boşanma xəbərlərinə səssiz qalan ikili dünən barışıqlarını nümayiş etdiriblər. Menecer Özgür Aras Tvitterdə İ.Dericiyə "Mahnılara qulaq asmağa gəlirəm, yeznə manqalı yandırar?" yazıb. Ardıyca İrem ərini də işarələyərək "Gəl, sənin üçün evi də yandıraram" cavabı verib.Fanatları isə ikilinin boşanma xəbərlərini "reklam" adlandıraraq bunu İremə yaraşdırmadıqlarını bildiriblər.

 

Əhəd Miriyev

 

MuzTv.az