İlhamə Quliyeva: “Ən böyük cəzam insanın üstündən xətt çəkməkdir”

Xalq artisti İlhamə Quliyeva mahnılarını ondan icazəsiz oxuyanlara xəbərdarlıq edib. 

   Xalq artisti İlhamə Quliyeva mahnılarını ondan icazəsiz oxuyanlara xəbərdarlıq edib. Axşam.az-ın məlumatına görə, sənətçi açıqlamasında bunları bildirib:"Fikrət Əmirovun mənim üçün yazdığı mahnılar bu gün də sevilir. Bunların möhürünü vurmuşam, hamısı mənə məxsusdur. Mahnımı oxumaq üçün icazə alanlara razılıq verirəm. Bu yaxınlarda biri "Neylərsən"i oxudu, eşitdim şok oldum. O boyda ağır əsəri nə günə qoymuşdu. Zəng etdi ki, "Dinləyin, necə oxumuşam?". Dedim, çox pis, ayıb olsun sənə. Birinci icazəsiz oxumusan, başından böyük iş görmüsən. Kim icazəsiz oxusa, belə deyəcəm. Mən pislik bacarmıram. Allah məni yaxşılıq üçün yaradıb. Mənim ən böyük cəzam insanın üstündən xətt çəkməkdir. Beləcə, o yaxşı dostu, dayağı, sirdaşı itirir. Kimin mənə ehtiyacı varsa, həmişə onun yanındayam".

   Əməkdar artist Röya Ayxanın başına iş gəlib. Müğənni İnstaqram profilinin parolunun başqası tərəfindən oğurlandığını bildirib:"Darıxmışdım. Parolumuz başqası tərəfindən sındırılmışdı. Hətta bir şey də paylaşıldı. Bir də belə etməyin, ayıb olur".

   Rəqqasə Oksana Rəsulova Bollivud ulduzu Şilpa Şirodkar ilə bir araya gəlib. Sənətçi onunla çəkdirdiyi şəkli sosial şəbəkədə paylaşıb. Bir müddətdir Hindistanda olan Oksana Şilpa ilə toy mərasimində görüşdüklərini bildirib.

   Hollivud ulduzu Robert De Niro “Nargis” jurnalına müsahibə verib. Aktyor açıqlamasında Bakıya gəlmək istədiyini bildirib:“Bakı haqqında çox eşitmişəm. Amma orada heç vaxt olmamışam. Mənə danışıblar ki, Bakı çox gözəl yerdir.Hələlik mənim ora getməklə bağlı dəqiq planım yoxdur. Amma çox istəyirəm ki, Azərbaycana gəlim”. De Niro təsisçisi olduğu “Nobu” restoran brendinin Bakıda açılmasını arzu etdiyini bildirib. Ulduz aktyor təyyarə ilə uçduğu zaman Bakının üzərindən keçdiklərini qeyd edib.“Qətərdən təyyarə ilə qayıdan zaman mənə dedilər ki, biz indi Azərbaycanın üzərindən uçuruq. Ona görə deyə bilərəm ki, mən Bakını artıq quş uçuşu məsafəsindən görə bilmişəm”, - deyə De Niro bildirib.

 

Əhəd Miriyev

 

MuzTv.az