Röya Ayxan moda evi açdı

Əməkdar artist Röya Ayxan özünə yeni biznes qurub. Axşam.az-ın məlumatına görə, müğənni moda evi açıb. 

   Əməkdar artist Röya Ayxan özünə yeni biznes qurub. Axşam.az-ın məlumatına görə, müğənni moda evi açıb. O, bu haqda sosial şəbəkədə yazıb:“Bacarmadığım işə əl uzatmaram. Moda evinə start verməyin başqa ləzzəti oldu. Adımız mübarək: First fashion lab”.Qeyd edək ki, R.Ayxan moda evini Səbinə Hüseynova ilə birlikdə açdığını vurğulayıb. S.Hüseynova sənətçinin konsertindəki libaslarının müəllifidir.

   Müğənni Nadir Qafarzadə yeni klip çəkdirir.Gecce.az xəbər verir ki, sənətçi bu dəfə söz və musiqisi Tural Bayraməliyevə məxsus olan "Döy qapımı" mahnısına ekran həyatı verəcək.

   Müğənni Səidə Sultan 2016-cı ilə ciddi hazırlaşıb.Milli.Az-a açıqlama verən sənətçi  bu il daha məhsuldar çalışacağını bildirib. Müğənni artıq yeni ilin ilk ayında "Gecələr 2" adlı mahnısını da dinləyicilərin ixtiyarına buraxdığını əlavə edib:"Ötən il təqdim etdiyim "Gecələr" mahnım sözün əsl mənasında super hit oldu. İndi isə həmin mahnının davamı olan "Gecələr 2" adlı mahnımı hazır etdim. İnanıram ki, bu da əvvəlki mahnı kimi uğurlu olacaq. Mahnının hazırlanmasında dostlarım Fərid Ağa və KQB çalışıb.  Birlikdə "HİT Make Group" adlı altında birləşən bu gənclər sözün həqiqi mənasında əsl hit yaratmağı bacarırlar.

Rəqs etməyi sevənlər "Gecələr 2" mahnımdan doyunca zövq ala biləcək".Səidə Sultan  "HİT Make Group" ilə silsilə mahnılar çıxaracağını da bildirib.

   Prodüser Təranə Səmədova ikinci dəfə ailə qurmaq istəyindən danışıb. O, qızı Suelin bunu çox istədiyini bildirib:“İndi subay qızlarımız ailə qurmaq üçün elə əziyyətlər çəkirlər ki... Bunları görə-görə durub mənim ailə qurmaq sevdasında olmağım bir az gülməli görünə bilər. Amma qızım Suel bunu çox istəyir. Hansı qadın sağlam bir ailəsinin olmasını istəməz ki? Qismətimdə varsa, məni olduğum kimi qəbul edən bir insan olsa, ailə quraram. Onu da deyim ki, qadağalar qoyacaqsa, məni hər şeydən təcrid edəcəksə, o ailə mənə lazım deyil. 31 yaşıma kimi hər şeyimi özüm etmişəm. Suel qardaş istəyir. Həmişə deyir ki, “Mən özüm ona baxaram”. Ailə qursam, Suel nənəsi ilə qalacaq”.Qeyd edək ki, T.Səmədova bir dəfə müğənni Kərim Abbasovla ailəli olub.

 

Əhəd Miriyev

 

MuzTv.az