İradə İbrahimova: “Gün gələcək tək-tək cavab verəcəksiniz”

Müğənni İradə İbrahimova ötən gün mediada yayılan doğuş anını əks etdirən videosundan danışıb. 

    Müğənni İradə İbrahimova ötən gün mediada yayılan doğuş anını əks etdirən videosundan danışıb. Axşam.az-ın məlumatına görə, sənətçi onu qınayanlara cavab verib. O, eyni zamanda bu videonun sosial şəbəkədə yerləşdirilməsindən xəbərsiz olduğunu bildirib: “Əlinin doğumu ilə bağlı mediada video paylaşılıb. Həmin görüntüləri ilk dəfə izlədim. Ailə fotomuzu çəkən xanım səhifəsində başqaları kimi bizim də xoş günümüzü paylaşıb. Onun mənə təqdim etdiyi videoda bu görüntülər olmayıb. Yeni gördüm və gün ərzində çoxlu insanlar videonu izləyib kövrəldiklərini yazıblar. Amma ənənəsinə sadiq qalan bəziləri “tərifindən” qalmadı. Bu cür görüntülər onu birmənalı qarşılayanlar üçün hazırlanır. Təki Allah övlad arzusunda olan hər kəsə bu sevinci daddırsın. Onu tənqid hədəfi etməkdənsə, sevincdən özünə pay götürsə, həyatı daha gözəl olar. İllərdir ahımı, günahımı alan insanlara üzülürəm. Gün gələcək tək-tək cavab verəcəksiniz. Mən buna inanıram”.Qeyd edək ki, türkiyəli iş adamı Ceyhun İzərlə ailəli olan İ.İbrahimovanın İpək adlı qızı, Əli adlı oğlu var

   Müğənni-bəstəkar Murad Arif həyat yoldaşının və oğlunu  fotosunu paylaşıb. Ailəsini mediadan uzaq tutan ifaçı bu gün evlilik ildönümü olduğunu bildirib. Ailə qurmasından 5 il ötən sənətçi təəssüratlarını bölüşüb:“Düz 5 il öncə... Ağappaq Stokholmda, Kral sarayının yanındakı köhnə şəhərdən üzükləri alıb, səninlə nişanlandıq. Ömrümün nağıl kimi yaşanan 5 ili, mahnılarımın ilhamı, bərabər qazandığımız nailiyyətlər, məni dünyanın ən xoşbəxt kişisi etdiyin, övladlarımız üçün çox sağ ol. Bu günümsən, sabahımsan, bir ömürlük”.

   Müğənni Rüfət Axundov restoran açıb. Bu haqda sənətçi Xatun Əliyeva xəbər verib. O, həmkarını yeni biznesi münasibətilə təbrik edib:“Rüfətin yeni açdığı məkanı çox bəyəndim. Allah xeyir versin qardaş. Siz də gəlin. İstirahət etmək hər birimizin haqqıdır”.

    Müğənni Yaşar Yusub “O” adlı yeni mahnısını təqdim edib. Bəstənin sözləri aparıcı Cavid Gülə, musiqisi ifaçının özünə məxsusudur.

 

Əhəd Miriyev

 

MuzTv.az