Fatimədən Aygün Kazımovaya irad: “Ayıbdır”

Bir neçə gündür, sosial şəbəkədə müğənnilərin təhqiramiz sözlər yazması gündəmin əsas mövzusuna çevrilib. 

    Bir neçə gündür, sosial şəbəkədə müğənnilərin təhqiramiz sözlər yazması gündəmin əsas mövzusuna çevrilib. Sadə xalqın tənqidini qəbul etməyən sənətçilərimizin İnstaqram səhifələrində xoşagəlməz sözlər yazmaları şou-biznes nümayəndələrinin bəzilərinin də narazılığına səbəb olub. Yaşanan hadisə ilə bağlı münasibət bildirən  rəqqasə Fatimə Fətəliyeva isə tənqidlərini daha çox xalq artisti Aygün Kazımovaya yönəldib. Fatimə Aygünü qınayıb, sadə xalqa tərəfkeşlik edib: “ Bu yaxında Aygün Kazımova ilə bağlı söz-söhbət yayılıb. Elə düşünməsinlər ki, mən özümü reklam etmək istəyirəm, mənə reklam lazım deyil. Mənim fikrimcə, onun etdiyi böyük bir “minus”dur. Belə şeylərə görə biz də siyahıda pis gedirik. Ona görə mən adi tamaşaçının tərəfindəyəm. Əgər adi tamaşaçı olsaydım, deyərdim, “O nə deməkdir, başa düşmədim?”. Onu deyim ki, ayıbdır. Biz tanınmış insanıq, bu o demək deyil ki, nə istəyirik danışmalıyıq. Xalqa nümunə olmalıyıq. Tamaşaçı  səni sevib izləyir və baxır ki, sən oraya ağzına gələni yazırsan”.

    Fətəliyeva qarşı tərəfə haqq versə də, bu hallarla rastlaşdığını bildirib. Rəqqasə sosial şəbəkələrdə ona şər atan istifadəçilərdən danışıb: “İnstaqramda biri mənə yazmışdı ki, “ Buna bax e, sən nəyinə güvənirsən? Dünyaya “bicbala” gətirdiyin üçün? Başqasının ailəsini dağıtmısan, özün də “mənəm-mənəm” deyirsən”. Mən heç kimin ailəsini dağıtmamışam. Dünyaya gözəl övlad gətirmişəm, atası da var, anası da. Hələ 1 il bundan öncə belə bir şey də yazmışdılar ki, “Utanmırsan sən mənim nişanlımla görüşürsən?”. Bu, böyük bir şərdir. Kiminsə hesabına, puluna nələrsə etməmişəm. Sənətə oliqarxların, sponsorların köməyi ilə gəlməmişəm”. Yəqin ki, bu açıqlamalara tez bir zamanda qarşı tərəfdən də cavab gələcək. Təbii ki, bunu zaman göstərəcək.

 

Sevda Məmmədova

Çingiz Abdullayev

 

Muz-Tv.az