Nadir: “İnternetdə oğlumla tanış olan qız, sabah mənim kimi 5 oğlanla tanış olacaq”

Artıq sosial şəbəkə ilə bağlı yaranan mövzular şou-biznesdə müzakirələrə səbəb olur. 

   Artıq sosial şəbəkə ilə bağlı yaranan mövzular şou-biznesdə müzakirələrə səbəb olur. Bu dəfə Nadir Qafarzadə internet vasitəsi ilə tanış olub ailə quran gənclərə etirazını bildirib. Avropalaşmağın tərəfdarı olduğunu deyən Nadirin bu məsələdə mövqeyi tam başqadır: “İnternetdə tanışlığa yaxşı baxmıram. Bu mənim subyektiv fikrimdir.  Təsəvvür edin ki, internetdə oğlumla tanış olan qız, sabah mənim kimi 5 oğlanla tanış olacaq və bundan heç kəs sığortalana bilməz. Bu, mənim fikrimdir. Mən internetdə tanış olmağın əleyhinəyəm. İstəyirəm, hər şey el adəti ilə olsun. Gəlin avropalaşaq, müasirləşək, amma adətimizə, kökümüzə bağlanaq. Əsl müasirlik sənin öz mədəniyyətindir”. Qafarzadənin bu mövzu barədə danışmasına səbəb oğlunu evləndirmək istəməsidir. Sənətçi övladının el adəti ilə ailə qurmasını istəyir: “ Bir-iki ilə evləndirəcəyəm.  İndidən istəyirəm kimisə tapıb hazırlıq görüm. Yəni bilim ki, bu qız bizlikdi. Hələ ki, axtarışdayıq”. Qafarzadənin sənətinə gəlincə isə, fəaliyyətində durğunluq olmasına müğənni belə aydınlıq gətirib: “Həvəsdən düşmüşəm. Heç nə etmək istəmirəm, mahnı da yazdırmaq istəmirəm. Fikirləşirəm ki, mahnı alıb aranjiman etdirməkdənsə, həmin pulu övladımın təhsilinə sərf edim”.

 

Sevda Məmmədova

Çingiz Abdullayev

 

Muz-Tv.az