Ramal: “Konsertimdə sənətçi dostlarıma yer ayıra bilməyəcəyəm”

Ramal İsrafilovun solo konsert verməsini səbirsizliklə gözləyən tamaşaçılara müğənnidən sevindirici xəbər var. 

    Ramal İsrafilovun solo konsert verməsini səbirsizliklə gözləyən tamaşaçılara müğənnidən sevindirici xəbər var. Sənətçi musiqi ziyafəti verəcəyini söyləyib: “Konsertə hazırlaşıram. Konsertim yayda reallaşacaq. Çox məsuliyyətli, ciddi çalışmalara başlamışam. Əlbəttə ki, Heydər Əliyev Sarayında baş tutacaq. Artıq neçə ildir deyirəm, alınmır. Amma artıq vaxtıdır. Konsertdə duet və yaxud da mənim mahnı yazdığım sənətçilər səhnədə olmayacaq. Sadəcə Ramal İsrafilov olacaq. Çünki proqram böyük olduğu üçün sənətçi dostlarıma yer ayıra bilmirəm. İlk solo konsertimi verəndən sonra növbəti konsertimdə mahnı yazdığım sənətçilər yer alacaq”.

    Konsertinin müjdəsini verən Ramaldan daha bir yenilik gələcək. Sənətçi ifalarından birinə ekran həyatı verəcəyini vurğulayıb: “ İki- üç klipim olub ki, bəyənməmişəm. Amma yeni ekran əsəri hazırlayıram. Möhtəşəm bir klip olacaq. Klipi yerli rejissor çəkəcək. Özüm müdaxilə edib, başlarının üzərində duracağam. İçimdə o qədər Ramal var ki, onları gündəmə gətirəcəyəm”.

Qeyd edək ki, sənətçi bu yaxınlarda məşhur rus mahnısı “Moya qolubka”nı ifa edib.

 

Sevda Məmmədova

Çingiz Abdullayev

 

Muz-Tv.az