Röya sayt açması ilə bağlı xəbərdən danışdı: “Qələt edərəm”

Bakı gecələrinin birində Röya Ayxan fırtınası yaşanıb. 

   Bakı gecələrinin birində Röya Ayxan fırtınası yaşanıb. Park Bulvar Alış-Veriş Mərkəzində yaşanan bu izdiham gecəyə damğa vurub. Əməkdar artistlə foto çəkdirməyə cəhd göstərən Röyasevərlər bəziləri bu istəyinə nail olsa da, bəziləri isə şanslılar sırasına qatıla bilməyib.Əməkadr artist adı almasının şöhrətini yaşayan sənətçi, hazırda dişləri ilə bağlı müalicə aldığını və danışmaqda çətinlik çəkdiyini söyləyib: “Hazırda dişlərimlə bağlı problemlər var, onları müalicə edirəm. İndi güclə danışıram. Oxumağa başlayanda yeni layihələri görəcəksiniz. Əməkdar artist adı aldığıma görə çox sevinirəm. Bu məni sevənlərin hədiyyəsidir”. Sənətçinin izdihamla qarşılandığı bu məkana gəlməsinin səbəbi isə yeni fəaliyyət göstərən “Primetime” saytının açılış konsertinə qatılmaq olub. Yayılan məlumatlara görə yeni açılan saytı Röya özü maliyyələşdirir. Bununla bağlı əməkdar artist belə açıqlama verib: “Mən qələt edərəm. Kiminsə maraqlı fikri varsa, onu həyata keçirməsi üçün gücüm çatanı edirəm. Amma bu saytın mənə heç bir aidiyyatı yoxdur”.

    Qeyd edək ki, tədbirdə əməkdar artistlə yanaşı, müğənnilər Günay İbrahimli, Ayan Babakişiyeva, Sevda Yahyayeva, Səidə Sultan və başqaları iştirak edib.

 

Sevda Məmmədova

Çingiz Abdullayev

 

Muz-Tv.az