Aygün Kazımova və Ayan Babakişiyeva barışdı

Xalq artisti Aygün Kazımova ilə müğənni Ayan Babakişiyeva barışıb. 

    Xalq artisti Aygün Kazımova ilə müğənni Ayan Babakişiyeva barışıb. Axşam.az-ın məlumatına görə, ifaçılar 2 ildən çoxdur ki, küsülü idi. Hətta A.Kazımova ötən il baş tutan ad günü mərasiminə Ayanı dəvət etməmişdi. Aralarındakı incikliyin səbəbini açıqlamasalar da müğənnilər küsülü olduqlarını etiraf etmişdilər. Xalq artisti yanvarın 25-də baş tutan ad günü mərasiminə A.Babakişiyevanı dəvət edərək, aralarındakı soyuqluğu aradan qaldırıb.

    Əməkdar artist İlqar Muradov gündəmdən uzaqlaşmasının səbəbini açıqlayıb. Müğənni açıqlamasında başının aktyorluğa qarışdığını deyib:“Tamaşaçılarla tez-tez ünsiyyətdə olmağı mən də istəyirəm. Amma vaxtım yoxdur. Filmə çəkilirdim. Çingiz Abdullayevin “Dronqo” əsəri əsasında çəkilən eyniadlı ekran işində rol aldım. Artıq hazırdır, izləmişəm də. Deyilənə görə, yaxşı alınıb. Bu yaxınlarda filmin premyerası da olacaq”.

    Əməkdar artist Röya əməliyyatdan sonra qınaq obyekti olan qadınları müdafiə edib.Gecce.az xəbər verir ki, burun əməliyyatı keçirdiyini etiraf edən müğənni problemi olan xanımları plastik yolla gözəlləşməyə dəvət edib:"Deyirlər qadın yaşa dolduqca şərab kimidir gözəlləşir, ağırlaşır. Amma bizdə yəqin əməliyyat etdi. Nə gündə idi deyirlər. Bu arada, bəli burnumu əməliyyat etdim və kimdə bu problem varsa etsin".

    Müğənni Cavan Zeynallı filmə çəkilib.Cazmen dramaturq Ramiz Abdullayevin eyniadlı pyesi əsasında çəkilən “Pasport”da rol alıb. Filmin rejissoru Nail Naiboğludur. C.Zeynallı ekran işində biznesmen obrazını canlandırıb. O, uzun fasilədən sonra yenidən aktyorluq sahəsinə qayıtması ilə bağlı təəssüratlarını bölüşüb:“Hələ SSRİ vaxtı bir çox filmlərdə çəkilmişəm. Müstəqil Azərbaycanda ilk dəfədir filmə çəkilirəm. Mənim iki peşəm var: müğənni və pianoçu. Nail Naiboğlunun dəvəti ilə yenidən aktyorluq etdim. Xoşuma da gəldi. Dəvət etsələr razılaşaram”.

 

Əhəd Miriyev

 

MuzTv.az