Zülfiyyə Xanbabayeva duetini təqdim etdi

Xalq artisti Zülfiyyə Xanbabayeva gənc müğənni Fərid Əsgərovla birlikdə duetini təqdim edib. 

    Xalq artisti Zülfiyyə Xanbabayeva gənc müğənni Fərid Əsgərovla birlikdə duetini təqdim edib. Axşam.az-ın məlumatına görə, sözləri İsmayıl Əsədova, musiqisi Ramin Vəlibəyov və Samir Sultanova məxsus bəstə “Bir də salam” adlanır. Mahnının səsyazma işləri Moskvada həyata keçirilib. Studiyanın səs rejissoru Rusiyanın məşhur musiqiçisi Konstantin Nonikovdur. Duet haqda hələ ötən ilin aprelindən məlumat verilmişdi. Qeyd edək ki, Fərid Əsgərov Rusiyada yayımlanan “Səs” (“Голос”) yarışmasının finalistidir. 

    Əməkdar mədəniyyət işçisi Samirə Əliyeva imicində dəyişikliklər edib. Xeyli arıqlayan aşıq fotokamera qarşısına keçərək şəkillər çəkdirib. S.Əliyeva yeni görünüşündən razı olduğunu bildirib:“Pəhriz vasitəsilə bu qədər arıqladım. Əvvəl 68 kiloqram idim. Boyumu, yaşımı nəzərə alanda ideal çəkim 56 olmalıydı. 2 ay davam edən pəhriz proqramı müsbət effektini göstərdi. Mən ideal bədən quruluşuna sahib oldum. Dietoloqum məni özümə sevdirdi”.

    Müğənni Rəşad İlyasov konsert proqramı ilə çıxış edəcək. "Qanuni" adlı konsert fevralın 6-da istirahət məkanlarının birində nəzərdə tutulub. Tədbirin təşkilatçısı və aparıcısı Aynur Hacıyevadır. R.İlyasov gecədə sürpriz qonaqların olacağını bildirib.

    Müğənni-bəstəkar Ramal İsrafilov “Heydər baba” adlı yeni ifasını təqdim edib. Sözləri Məhəmmədhüseyn Şəhriyara aid olan mahnını ifaçı yenidən aranjiman etdirdiyini bildirib.

 

Əhəd Miriyev

 

MuzTv.az