Xalq artisti Polad Bülbüloğlu ailəsi ilə "selfie" etdi

Azərbaycanın Rusiyadakı fövqəladə və səlahiyyətli səfiri, ölkəmizin xalq artisti Polad Bülbüloğlu ailəsi ilə birlikdə çəkilmiş "selfie"ni izləyiciləri ilə paylaşıb.

    Azərbaycanın Rusiyadakı fövqəladə və səlahiyyətli səfiri, ölkəmizin xalq artisti Polad Bülbüloğlu ailəsi ilə birlikdə çəkilmiş "selfie"ni izləyiciləri ilə paylaşıb.Big.az-ın məlumatına görə, ailəsi ilə birikdə doğum gününü keçirən xalq artisti bu sözləri qeyd edib:"Bu da ad günü selfisi. Təbriklərə görə hər birinizə təşəkkür edirəm". Qeyd edək ki, Polad Bülbüloğlu 4 fevral, 1945-ci ildə Bakıda anadan olub.

    Əməkdar artist Baloğlan Əşrəfov fəxri ad alan və etik qaydaları pozan bəzi müğənnilərə iradını bildirib. Axşam.az-ın məlumatına görə, ifaçı açıqlamasında hər zaman özünü sadə apardığını deyib: "Allah insana ağıl da, dil də verib. Xalq sənətkarları sevir. Amma ağzına nə gəldi danışa bilməzsən. Sən xalqdan dolanırsan. Dövlət də xalqın sevgisinə görə sənə fəxri ad verib. Xalqın gözündən heç nə yayınmır. Nə gəldi danışmaq olmaz. Xalqın gözündən düşən kimi sənətə əlvida deməlisən. Mən bəzi müğənnilər kimi qapalı şəraitdə olmuram. Hər zaman insanların yanındayam. Məni nərd oynayan, küçədə kiminləsə zarafatlaşan yerdə də yaxalaya bilərlər. 40 ildir hörmət qazanmışam. Bir anda itirə bilərəm. Xalqın sayəsində yaşayıram, maddi təlabatımı ödəyirəm, ailəmi saxlayıram. Heç vaxt yalan sevgi istəməmişəm. Allah nəyi mənə qismət edibsə, o olsun".

     Əməkdar artist Cavanşir Məmmədov həmkarı Elnarə Abdullayevanın "Oğluma müğənni qız almaram" sözlərinə münasibət bildirib. Müğənni açıqlamasında bunları deyib:"Əgər bizim xanım müğənnilərimiz ailə qurub, övlad dünyaya gətiribsə, vətənə layiqli uşaq böyüdübsə, "Oğluma müğənni qız almaram" deməməlidir. Bu, düzgün deyil. Olmaz belə. Axı sən özün də ailə qurub, ərə getmisən". Qeyd edək ki, E.Abdullayevanın "Oğluma müğənni qız almaram" sözləri şou-biznesdə qalmaqala səbəb olmuşdu. Bir çox ifaçılar bu ifadəsinə görə, onu qınamışdı.

    Müğənni Ayan Babakişiyeva haqqında gəzən şayiələrdən danışıb.İfaçı “Qafqazİnfo”-ya açıqlamasında nişanlanması ilə bağlı yayılan xəbərlərin yalan olduğunu bildirib.“Hələ ailə qurmaq barəsində fikirləşmirəm. Nişanlanmağım barədə yayılan xəbərlər yalandır. Ancaq elə biri qarşıma çıxar ki, onunla evlənə bilərəm. Əvvəl düşünürdüm ki, ailədə əsas sevgidir. Gördüm ki, bu çox səhv bir istəkdir. Sevərək qurulan ailə tez dağılır. Ailədə əsas hörmətdir. Hörmət olanda inam, güvən olacaq, skandal olmayacaq”.

 

Əhəd Miriyev

 

MuzTv.az