Samir Piriyev Türkiyə şou-biznesinə qatılacaq

Müğənni Samir Piriyev Türkiyə şou-biznesinə qatılır. 

    Müğənni Samir Piriyev Türkiyə şou-biznesinə qatılır. Axşam.az-ın məlumatına görə, ifaçı bu haqda açıqlamasında danışıb:“Türk şou-biznesinə qatılmaq çətin deyil. Neçə il bundan əvvəl TRT-də keçirilən festivala qatılmışdım. Mənə təkliflər gəldi ki, burada qal, oxu. Mənim Azərbaycanda toylarım, sənətim olduğundan qala bilməzdim. Yeni mahnım var, türk dilində oxumuşam. Onunla qardaş ölkədə şou aləminə qatılacam. Müəllifi Ruslan Əhmədoğludur”.S.Piriyev Almaniyada konsert verəcəyini bildirib:“Martın 20-də baş tutacaq. Mənlə yanaşı iranlı ifaçı da səhnəyə çıxacaq. Alman telekanallarından birində qonaq olacağıq. Gülay Zeynallı da mənlə birlikdə konsertdə olacaq”.

    Müğənni Ayan Babakişiyeva yeni mahnısını təqdim edib.Sözləri Baba Vəziroğluna, musiqisi Elçin İmanova, aranjimanı Emil Minşayevə məxsus olan mahnı "Çağır gələrəm" adlanır.A.Babakişiyeva yeni ifasının hit olacağını iddia edib:"Mahnı 2 il yarım bundan əvvəl yazılıb. Sənətimdə dönüş edəcəyinə inanıram. Elçin İmanovdan bəstə ifa edən zaman, düşünürəm ki, bu mahnı sıradan deyil, sənətkarların qulaq asacağı mahnıdır. Elçin İmanov həm də müəllimimdir. Elə oxutdurur ki, mahnıya yanaşma, çalarlar hamısı yerində və gözəl olur. Sözlərini də çox bəyənmişəm, dərin mənası var. Əslində şeirin adı "Sevgi ayrılıqdan güclüdür vallah" adlanır. Biz "Çağır gələrəm" adlandırdıq. Göründüyü kimi sevgi çox güclüdür. Sevən o biri dünyada olsa belə, sevgisi üçün qayıdıb gələr. İstəyərəm ki, hamı belə güclü sevsin. Repertuarımda ən sevdiyim mahnılarımdan biri olacaq, çünki sənətkarlar hazırlayıb. Eyni zamanda həyatında əsl sevgi yaşayanlar üçün gözəl bir ərməğan olacaq".

    Müğənni İlhamə Qasımova rəfiqəsi, rəqqasə Oksana Rəsulova ilə bağlı açıqlama verib. Sənətçi açıqlamasında rəfiqəsinin Hindistanda yeni təkliflər aldığını bildirib:“Hindistanda Oksanaya iki film təklif olunub. Baş rol olmadığı üçün hələ ki, razılaşmayıb. Mən burada saçlarımı yoluram ki, “Hə de. Sən Azərbaycanda deyilsən ki, baş rol axtarasan”. Deyir, “Yox, mən baş rol istəyirəm”. Hələ də razılıq verməyib. Mən şokdayam. Çox əsəbiləşirəm”.

    Müğənni Gülay Zeynallı idmançı həyat yoldaşı Kamil və qızı Sahilə ilə istirahətə yollanıb. Şamaxıda dincələn ifaçı şəkillərini sosial şəbəkədə paylaşıb.

 

Əhəd Miriyev

 

MuzTv.az