Silvestr Stallone "Oskar"ı boykot etmək niyyətindədir

Məşhur amerikalı aktyor, Hollivud ulduzu Silvestr Stallone 39 illik fasilədən sonra ABŞ Kinoakademiyasının "Oskar" mükafatına namizəd bilinib.

    Məşhur amerikalı aktyor, Hollivud ulduzu Silvestr Stallone 39 illik fasilədən sonra ABŞ Kinoakademiyasının "Oskar" mükafatına namizəd bilinib. "Creed" filmindəki roluna görə o, "İkinci planda ən yaxşı aktyor" nominasiyasında namizəddir. Milli.Az TMZ-yə istinadən bildirir ki, Stallone bu filmdə Rokki Balboa rolunu oynayır. Silvestr son dəfə 1977-ci ildə, boksçu Rokki roluna görə "Oskar"a nominant olmuşdu. Silvestr Stallone builki "Oskar"ı boykot etmək niyyətindədir."Bilirsiniz ki, qaradərili aktyorlar "Oskar"ı boykot edirlər. Mən də OscarsSoWhite aksiyasına qatılmaq istəyirəm. Uill Smit, Spayk Li mərasimə getməyəcəklər. Mən də onlara dedim ki, əgər mərasimə qatılmağımı istəmirsinizsə, qatılmayacağam. Hə, onlar yaxşı oğlanlardır. Mən də pis oğlan deyiləm", - Stallone deyib.

    Dünyaca məşhur supermodel Sindi Krouford model biznesinə son qoydu. PrimeTime.Az xarici mətbuata istinadən xəbər verir ki, 50 yaşını qeyd edən məşhur supermodel Sindi Krouford daha kameralara poz verməyəcəyini bildirib. Krouford "Rhapsody" jurnalına verdiyi müsahibəsində fotokameranın qarşısında model kimi deyil, adi bir insan kimi, şəxsi kolleksiyası üçün çıxacağını açıqlayıb: "Mən hər şeyə nail oldum, dünyanın bütün məşhur fotoqrafları ilə işlədim, daha heç kimə heçnə sübut etmək istəmirəm".

    20 yaşlı model Gigi Hadid "Vogue" jurnalının fransız versiyasının üz qabığına çəkilib.Axşam.az-ın məlumatına görə, fələstinli gözəl dərgi üçün çılpaq halda pozlar verib.

Fotoları Mert Alaş və Markus Piqqot çəkib.

    Fevralın 19-da Parisdə aktyor Kıvanç Tatlıtuğ və sevgilisi Başak Dizerin toyu baş tutacaq.Parisdə yerləşən Türkiyə səfirliyində keçiriləcək mərasimdə 45 nəfər iştirak edəcək. Bu günlərdə barmağında nişan üzüyü ilə görünən Kıvanç nikah barədə suallardan yayınıb.Cütlüyün nikah şahidliyini "Ay Yapım"ın rəhbəri Kerem Çatay olacaq. Dəvətlilər fevralın 18-22-i aralığında Parisdə qalacaqlar. Qonaqlar arasında Yolante Kabau-Uesli Sneyder, Sedef Avcı-Kıvanc Kasabalı, Tanem Sivar-Edhem Dirvana, Ekrem Çatay kimi tanınmışlar var.Tatlıtuğ qonaqlarının yol və otel xərcləri üçün 600 min lirə (təxminən 300 min manat) xərcləyib. Kıvanç nişanlısına 100 min dollarlıq üzük alıb. Aktyorun anası Nurten Tatlıtuğ böyrək çatışmazlığından əziyyət çəkdiyi üçün həkimi icazə verərsə, Parisə gedə biləcək.

 

Əhəd Miriyev

 

MuzTv.az