Nisə Qasımova və Nadir Qafarzadənin doğum günüdür

Xalq artisti Nisə Qasımovanın doğum günüdür. Gecce.az xəbər verir ki, onu sevən dostları müğənniyə 62 yaşı münasibəti ilə evində ad günü sürprizi hazırlayıb. 

     Xalq artisti Nisə Qasımovanın doğum günüdür. Gecce.az xəbər verir ki, onu sevən dostları müğənniyə 62 yaşı münasibəti ilə evində ad günü sürprizi hazırlayıb. Gecə saatlarında evə gələn xalq artisti gözünə inanmayıb. Ətraf şarlar və işıqlarla bəzədilib. Şərəfinə tortlar gətirilib. Heyranlığını gizlədə bilməyən Nisə xanım yaranan səs-küyə görə, qonşularından üzr istəyib. 
Tortunu kəsən Nisə xanım dostları ilə gecə yarısına qədər sürprizin dadını çıxarıb.

     Müğənni Nadir Qafarzadənin ad günüdür. Axşam.az-ın məlumatına görə, ifaçı özəl günündə dostlarını bir araya yığacaq:“Məni tanıyan yaxınlarım bilir ki, dəbdəbəli ad günlərini sevmirəm. Yəni restoranların birində ad gün keçirib, şou-biznes əhlini və yaxın dostlarımı bir araya yığa bilərdim. Amma bu mənim heç ağlımdan da keçməyib. Çünki onları əziyyətə salmaq istəmirəm. Onsuz da indi hər kəsin özünə dair problemləri, işləri var. Bu gün ailə üzvlərim və yaxın dostlarımla birgə olacam. Bir çox insanlardan təbriklər və hədiyyələr aldım". Qeyd edək ki, N.Qafarzadə 1971-ci ildə Şabran rayonunda anadan olub.

     Müğənni Samir Piriyev sosial şəbəkə övladları ilə bağlı yazılan tənqidlərə cavab verib. İfaçı açıqlamasında ilk evliliyindən olan qızına baxmaması ilə bağlı yayılan şayiələrə son qoyub:"Bəzilərinə demək istəyirəm ki, gedin öz həyatınızın eyiblərini örtün. Başqasının şəxsi həyatına, ailəsinə bilmədən burnunuzu soxmayın. Hər şeyi bilən tək Allahdır. Heç kəsin haqqına girməyin, günahını almayın. Siz kimdənsə ağıllı deyilsiniz ki, başqasına məsləhət verəsiniz. Əgər düşünürsünüz ki, mən o biri balamla maraqlanmıram, onu görmürəm, demək sizin qəlbiniz qaradır. Siz bunu elə görmək istəyirsiniz. Mən atayam və 3 övladım var. Onlar mənim canım, ciyərim, qanımdır. Onların hər birinə görə ölümə belə gedərəm. Hamısının da arxasında dağ kimi dayanmışam. Allah nə qədər ömür versə, o qədər də dayanacam. İnşallah... Amma siz həqiqəti bilmədən mənim və xanımımın haqqına girirsiniz. Allahdan qorxun. Əgər mən tufeyli həyat istəsəydim, indi belə gözəl ailəm olmazdı. Bir insana başqasının eyibini açmaq yaraşmaz. Siz məni nə qədər günahkar hesab etsəniz də, ailəm haqqında mən ölənəcən susacam. Bu açıqlamanı isə sizin günahlarınızın bundan sonra artmaması üçün verdim. Adamı balası ilə şəkil paylaşmağa peşman etməyin".Qeyd edək ki, S.Piriyevin ilk evliliyindən bir qızı, ikinci ailəsindən isə bir qız, bir oğlan övladı var

     Türkiyəli müğənni İrem Derici Bakıya gəlir. İfaçı 8 Mart Beynəlxalq Qadınlar günündə "Elektra events hall"da baş tutacaq konsertə qatılacaq. Təşkilatçılığını "Velizade organization"ın etdiyi konsertdə ifaçı Rauf -40 dərəcə də iştirak edəcək. Aparıcılığını Lətafət Ələkbərovanın etdiyi gecədə İrem Derici sevilən mahnılarını səsləndirəcək.

 

Əhəd Miriyev

 

MuzTv.az