Elza Seyidcahan: “Ramal mənim musiqilərimin fanatıdır, xəstəsidir”

Əməkdar artist Elza Seyidcahan müğənni Ramal İsrafilovu  onun mahnısını öz adından qələmə verdiyi üçün ittiham edib.

    Əməkdar artist Elza Seyidcahan müğənni Ramal İsrafilovu  onun mahnısını öz adından qələmə verdiyi üçün ittiham edib. BiG.AZ xəbər verir ki, Elza Seyidcahanın bəstəsi, Mehman Tağıyevin Türkvisionda oxuduğu "İstanbul" mahnısı Ramalın mahnısı kimi təqdim olunub. Bundan əsəbiləşən Elza Seyidcahan üzünü Ramala tutub: "Bəlkə də kimsə yazıb ki, Ramalın bəstəsidir. Amma sən bunu deməlisən, belə səhvlərə yol vermə. Bu mənim məhsulumdur. Bunu özüm bəstələmişəm. Ramal mənim musiqilərimin fanatıdır, xəstəsidir. Mən Ramala demirəm oğrudur, amma özgənin malını mənimsəmək olmaz Ramal məni bağrına basıb öpəcək, onu bağışlayacağam. Amma Ramal səhvini düzəlt".
    Müğənni Azəri Günel Zeynalovanın bacısı Müşərrəfin nikahı olub. Axşam.az-ın məlumatına görə, sənətçi Səadət Sarayında olan mərasimdən fotoları sosial şəbəkədə paylaşıb. Bacısının nikah şahidi olan G.Zeynalova “Xoşbəxt olun. Ramoş və Müşüm, sizi sevirəm” şərhini yazıb. Müşərrəf Ramil adlı şəxslə ailə qurub. Qeyd edək ki, bu Müşərrəfin ikinci nikahıdı.

     "Qala" qrupunun rəhbəri Ceyhun Əliyev şou-biznesdə apardığı müharibədən danışıb. Gecce.az xəbər verir ki, müğənni açıqlamasında sənətdə həmişə müharibə etdiyini bildirib. "Əvvəllər səhnəyə çıxanda kompleksim yaranırdı. Efir həyəcanı, işıqlar, kameralar - bu asan deyil. Bu sənət çox ağır, amma şərəfli peşədir. Zaman keçsə də, içimdəki səmimiyyəti itirməməyə çalışıram. Son zamanlar bəzi sənətçi həmkarlarımız tədbirlərdə az çıxış etməyi düşünür. Hətta ora bilərəkdən gecikirlər. Mənə lap irad tuturlar ki, "sən niyə vaxtında gəlirsən?". Bu mənim xarakterimdi, məsuliyyət daşıyıram. Amma üzrlü səbəblərə görə, gecikəndə "ulduzluq" xəstəliyinə tutulub" deyirlər. Bu sənətdə həmişə müharibələri sevmişəm. Bunu ilk dəfədir etiraf edirəm. Qalib də gəlirəm. O savaşlarda atdığım səhv addımı ikinci dəfə atmamağa çalışıram. Burada söhbət söz, musiqi savaşından gedir".

    Müğənni Murad Arif ikinci dəfə ata olduqdan sonra qızı Ayla ilə kamera qarşısına keçib. Sevincini onu sevənlərlə bölüşən M. Arif qeyd edib: "3 ay əvvəl ailəmizdə şahzadə dünyaya gəldi. Şəxsi həyatımı sosial şəbəkələrdə paylaşmağı sevmirəm, amma mövcud vəziyyəti inkar etmək olmur.  Şahzadəmizin adı Ayladır”. 

 

Əhəd Miriyev

 

MuzTv.az