Aygün Kazımova yeni avtomobil alır

Xalq artisti Aygün Kazımova yeni avtomobil almağa hazırlaşır. 

    Xalq artisti Aygün Kazımova yeni avtomobil almağa hazırlaşır. Milli.Az xəbər verir ki, bu haqda prodüsser Tolik deyib. Tolik açıqlamasında, xalq artistinin ona yeni avtomobilə görə mesaj yazdığını bildirib:"Aygün xanım mənə mesaj yazmışdı. Bir iş var, onu həll etməliydim. Aygün xanım yeni avtomobil alır. Mənə yazdı ki, onu tez həll elə".

    Əməkdar artist Elnarə Abdullayeva və müğənni Xatirə İslam barışıb. Axşam.az-ın məlumatına görə, ifaçılar səmimi fotolarını sosial şəbəkədə paylaşaraq, küsülülüyə son qoyduqlarını nümayiş etdiriblər. Onlar çəkiliş məkanlarından birində qarşılaşıb. Qeyd edək ki, E.Abdullayevanın “Oğluma heç vaxt müğənni qız almaram” sözləri şou-biznesdə qalmaqala səbəb olmuşdu. Onun bu sözlərinə etiraz edənlərdən biri də X.İslam olmuş və qarşı tərəfə sərt cavab vermişdi.

    Müğənni Ramal İsrafilov “Xəbərin varmı” adlı yeni mahnısını təqdim edib. Bəstənin özləri Rauf Sübhi, musiqisi Rabil Səfərliyə məxsusdur.

    Müğənni Gülay Zeynallı ailəsini danışıb.İfaçı açıqlamasında ailəsini gündəmdən uzaq saxlaya bilmədiyini bildirib. “İkimiz də tanınmış insanıq. Hansısa verilişə cüt dəvət alırıq, birlikdə gedirik. Hərə öz işindən danışır. Əgər ikimizdən biri tanınmış olmasaydıq, gündəmə gəlməzdik”. G.Zeynallı aralarındakı qısqanclıqdan da danışıb:“Yeni ailə quranda aramızda hədsiz qısqanclıq olurdu. Övlad olandan sonra azalır. Bütün fikir ona yönəlir. Övladım bələkdə olanda bağça axtarırdım. İndi 4 yaşı var, mən məktəb axtarıram. İndi də aramızda qısqanclıq var, amma dərəcəsində”.

 

Əhəd Miriyev

 

MuzTv.az