Nisə Qasımova: “Uzun illər əlçatmaz idim”

Xalq artisti Nisə Qasımova ətrafındakı insanlardan şikayətlənib. 

    Xalq artisti Nisə Qasımova ətrafındakı insanlardan şikayətlənib. Axşam.az-ın məlumatına görə, müğənni hər kəs üçün adiləşdiyini vurğulayıb:"Hərdən qəti qərara gəlmək istəyirəm: tanıdığım bəzi insanlardan uzaqlaşım. Ya da onları yaxına buraxmayım. Niyə? Uzun illər əlçatmaz idim, hətta öz qohumlarıma da. Elə ki ürəyim kimi evimin qapısı da bəzi insanlara açıq oldu, bax o zaman onların gözündə adiləşdim. Ay adiləşdirənlər, mən gəldiyim yolun hər küncünü yumulu gözlə qayıda bilərəm".

   Əməkdar artist Abbas Bağırov tədbirlərin birində fotokameralara tuş gəlib. Rəqqasə Rəna əlindəki ilanı müğənninin boynuna dolayıb. A.Bağırov ilandan qorxduğunu gizlədə bilməyib.

   Müğənni Elton Hüseynəliyev xalq artisti Aygün Kazımova ilə arasındakı küsülülükdən danışıb. İfaçı açıqlamasında Aygün-Röya qalmaqalında ondan istifadə edildiyini deyib:"Aygün Kazımova ilə Röyanın arasında qalmaqal var idi. Bilmədən məni qatdılar bu söhbətə. Aygün xanım şəxsən özü mənə duet oxumağı təklif etdi. Sonra çıxıb dedi ki, Elton mənə duet təklifi edib. Guya, o, hardasa istirahətdə imiş, mən mahnı göndərmişəm ki, qulaq asın. Xeyir, Aygün xanım, siz məni çağırdınız, mahnı oxuyaq dediniz. Mən onunla birlikdə oxumağı sevə-sevə qəbul etdim, çünki bizim pop-divamızdır. Çoxları onu qınayır, amma heç kimin şəxsi həyatına qarışa bilmərik. Onun sənətdə etdikləri danılmazdır. Onunla duet oxumaqla, müharibənin fiquruna çevrildim. Çox hadisələr oldu, sonra ara səngidi. Aygün xanımla münasibətimiz kəsildi. Mənim dostluq anlayışım başqadır. Dostuma deyə bilmərəm ki, düşmənimlə danışma. Qadın kişiyə zəng edib deməməlidir ki, düşmənimlə efirə çıxma. Kişi qadın söhbətlərinə qarışmamalıdır. Şəxsi münasibətlərə düşmənlərimizi qatmayaq".

   Məşhur model Rüstəm Cəbrayılov yeni fotosessiya etdirib. PrimeTime.Az-a açıqlama verən model uğurlu nəticə əldə etdiklərini söyləyib. Yaz mövsümünə həsr edilən fotolayihədə R.Cəbrayılov, Bakının ən maraqlı məkanlarında və tarixi abidələrin əhatəsində şəkillər çəkdirib.

 

 

Əhəd Miriyev

 

MuzTv.az