Aygün Kazımova Samir Piriyevlə duet oxudu

Xalq artisti Aygün Kazımova və müğənni Samir Piriyev yeni duet hazırlayıblar.

   Xalq artisti Aygün Kazımova və müğənni Samir Piriyev yeni duet hazırlayıblar.Axşam.az-ın məlumatına görə, prodüser Anar Mədətovun ərsəyə gətirdiyi layihə "Ağlasın" adlanır.Qeyd edək ki, mahnının sözləri Hacı Akifə aiddir.

   Yenicə "əməkdar artist" fəxri adına layiq görülən müğənni Röya Ayxan bunun sevincini hələ də yaşadığını bildirib.İfaçı açıqlamasında bunları söyləyib:"2 aya yaxındır ki, əməkdar artistəm. Bu diqqətə görə hər kəsə təşəkkür edirəm. Ağladığım videonu Zamiq yayıb. Doğrudan da mənim üçün ən böyük "şok" idi. Gözlənilməz oldu. Mən sənət adamıyam, qadağalarım yoxdur. Təbii ki, bəzi şeyləri daha ehtiyatla, ölçüb-biçərək həyata keçirəcəyəm. Arzularım var. "General"a qədər gəlib çatmaq istəyirəm".Sənətçi yeni yaradıcılıq işlərindən də danışıb: "İstanbula hazırlaşıram. Aprelin 10-a qədər 4-cü sinqlımızı təqdim edəcəyik. Detalları açıqlamaq istəmirəm. Türkiyədə çıxacaq, səs-sədası buraya gələcək".

   Meyxanaçı Namiq Qaraçuxurlu “Şəkərim” adlı yeni mahnısını təqdim edib. Bəstənin sözləri Namiq Qaraçuxurlu və Elvin Mehmanlıya, musiqisi E.Mehmanlıya məxsusdur.

   Müğənni Günay İbrahimli həmkarı Elton Hüseynəliyevin ünvanına sərt sözlər deyib. E.Hüseynəliyevin sənətçi haqqında dediyi “Bu qızın öyrənməyə çox şeyi var. Sənətdə hələ sözünü deməyib” sözlər qarşı tərəfi özündən çıxarıb.G.İbrahimli isə açıqlamasında ifaçıya xəbərdarlıq edib: “Mən o insanı 6-7 aydır görmürəm, mənlə problemi var? Tərbiyəm icazə vermir ona öz sözlərimlə cavab verim. Heç bir kişi müğənni mənə rəqib deyil. Xatırladım ki, 5-6 ay əvvəl efirdə mənə “xanım” deyə müraciət edən, səsimi bəyənən müğənni əsl üzünü indi göstərdi. Xanımlığıma şübhə edənlərə demək istəyirəm ki, getsin öz problemini həll etsin. Kiminsə acığını məndən çıxmağa haqqı yoxdur. Kiməsə icazə vermirəm ki, efirə çıxıb haqqımda danışsın. Kişi problemi kişi ilə həll etsin. Eltonun özünə zəng vurub sözümü demək istəyirdim. Amma həmişəki kimi telefonu bağlıdır. Mənə isə 24 saat zəng çatır, yığıb sözünü deyə bilər".

 

Əhəd Miriyev

 

MuzTv.az