Adel gecəyə damğasını vurdu

Londonun ən böyük konsert salonlarından biri olan "O2 Arena"da keçirilən "Brit Music Awards" gecəsinə müğənni Adel damğa vurub.

     Londonun ən böyük konsert salonlarından biri olan "O2 Arena"da keçirilən "Brit Music Awards" gecəsinə müğənni Adel damğa vurub. Axşam.az-ın xarici KİV-ə istinadən məlumatına görə, o, "ən yaxşı ingilis qadın sənətçi", "ən yaxşı ingilis albomu", "ən yaxşı sinql", "ən yaxşı beynəlxalq uğur" kateqoriyalarında mükafatların sahibi olub. Gecədə 18 ay xərçəng xəstəliyindən əziyyət çəkdikdən sonra dünyasını dəyişən Devid Bouie də unudulmayıb. Müğənnilər Annie Lennoks, Lorde, aktyor Qari Oldman səhnədə onu yad ediblər.İngilis rok qrupu "Coldplay", müğənnilər Castin Biber, Rihanna, Dreyk, Ceyms Bey, "Weekend" də səhnədə performans göstəriblər.Ən yaxşı ingilis kişi müğənni: Ceyms Bey…Ən yaxşı ingilis qadın müğənni: Adel…Ən yaxşı beynəlxalq qrup: "Tame Impala"…Ən yaxşı mahnı: Adel “Hello”…Ən yaxşı ingilis qrup: "Coldplay"…Ən yaxşı beynəlxalq kişi müğənni: Castin Biber…Ən yaxşı yeni ifaçı: "Catfish and the Bottlemen"…Ən yaxşı beynəlxalq uğur: Adel…Ən yaxşı beynəlxalq qadın müğənni: Björk…Ən yaxşı klip: One Direction “Drag Me Down”…Ən yaxşı albom: Adel – 25

     Aktyor Kənan İmirzalıoğlu və aktrisa Sinem Kobalın mayın 21-də edəcəkləri toy üçün sponsorlar arasında mübarizə başlayıb.Mayın 19-dan 22-dək dostlarıyla birgə Cunda adasında əylənməyi planlaşdıran cütlük indidən 3 oteli bağlayıb. Toya sponsor olmaq üçün bütün firma və şirkətlər təkliflər göndərib. İlin əsas toyunda adının keçməsini istəyən yemək, içki, yaxta, təşkilatçılıq firmaları bir-birindən cəlbedici təkliflərini irəli sürüblər. Lakin Kənan gələn bütün əməkdaşlıqları rədd edərək toyunda sponsor adının keçməsini istəmədiyini deyib.

    Mövsümə böyük ümidlərlə başlayan, ancaq reytinqlərdə iflasa uğrayan, baş rollarında Məryəm Uzerli və Murad Yıldırımın çəkildiyi "Gecenin kraliçesi"nın bağlanacağı deyilir. Serialın gözlənilən uğuru əldə etməməsi həm telekanal rəhbərliyini, həm də layihənin rəhbəri olan türk-ərəb şirkətini bu barədə düşünməyə vadar edib. Bir neçə gün əvvəl Məryəm bu serialın onun üçün səhv qərar olduğunu demişdi. Bugünlərdə serialın digər qəhrəmanlarından olan Uğur Polat jurnalistlərlə qarşılaşıb. O, serial barədə sualları cavablandırmadan uzaqlaşıb.

    Türkiyəli müğənni Doğuş "Araf" adlı mahnısına çəkdirdiyi yeni klipini sevənlərinin ixtiyarına verib. Bəstənin söz və musiqisi ifaçının özünə məxsusdur. Həyat yoldaşı, aparıcı Xoşqədəm Hidayətqızı bu münasibətlə onu təbrik edib:“Doğuşun yeni klipi bu gün Kral TV-də yayıma başladı. Uğurlar, Doğuş”.

 

Əhəd Miriyev

 

MuzTv.az