Elnur Hüseynov 8 Mart Beynəlxalq Qadınlar günündə konsert verəcək

“O səs Türkiyə” yarışmasının qalibi Elnur Hüseynov konsertə hazırlaşır. 

    “O səs Türkiyə” yarışmasının qalibi Elnur Hüseynov konsertə hazırlaşır. Axşam.az-ın məlumatına görə, müğənni 8 Mart Beynəlxalq Qadınlar günündə şəhər restoranlarından birində çıxış edəcək. 

     Müğənni Natavan Həbibi həmkarı Röya Ayxandan danışıb. Sənətçi Röyanın onlar haqqında dediyi “Mənə həmişə çuşka deyirdilər” sözlərinə cavab verib:“İndi də ona elə deyə bilərəm. Röyanı mən tanıyan kimi heç kim tanıya bilməz. Biz bir-birimiz üçün ulduz ola bilmərik. Mənim münasibətim heç vaxt dəyişə bilməz. Heç vaxt deyə bilmərəm ki, “A o, ulduzdur”.N.Həbibi Röyanın “İndi mən Natavanla Elnarənin geyiminə baxıb deyirəm, eh... İngilis dilini bilməklə deyil ki...” sözlərini məsxərəyə qoyub. İfaçı həmkarı ilə münasibətlərinin olmadığını da etiraf edib:“Bizi bəyənməz. Biz qapalı geyinirik. O da müasirliyi lütlənməklə ölçür. Özü lütlənir. Biz qapalı geyinirik, geridə qalmışık. Elə hesab etsin. Biz görüşmürük, ortaq dostlarımız da yoxdur. Hər kəsin öz dostları, ətrafı var”.

    Müğənni Günay İbrahimli sevgidən söhbət açıb. İfaçı açıqlamasında bunları bildirib:“Dolça bürcünün nümayəndələri bir insanı həyatlarına daxil edəndə çox sevirlər. Amma siləndə birdəfəlik edirlər. Mən sevdiyimlə ayrılanda ona acıq verməyi sevirəm. Bunu isə işimlə edirəm. Başımı salıram aşağı, işimdə, gücümdə oluram. Ona fikir verməmək elə acıqdır".

    Müğənni Samira Allahverdi tədbirlərin birində fotokamera qarşısına keçərək şəkillər çəkidirib. Açıqlama verən sənətçi solo konsertə hazırlaşdığını bildirib:“Martın 5-də şəhər restoranlarından birində xeyriyyə konsertim olacaq. Bu həm də mənim solo konsertimdir. Əldə olunacaq gəlir körpə bir qızın müalicəsinə sərf olunacaq. Tək çıxış etmək təklifini özüm irəli sürdüm”.

 

Əhəd Miriyev

 

MuzTv.az