Aygün Kazımovanın Samir Bağırovla yeni dueti

Xalq artisti Aygün Kazımova müğənni dostu Samir Bağırovla duet oxuyub. 

    Xalq artisti Aygün Kazımova müğənni dostu Samir Bağırovla duet oxuyub. Axşam.az-ın məlumatına görə, ifaçılar A.Kazımovanın illər əvvəl oxuduğu “Səninlə” adlı mahnını bir yerdə səsləndiriblər. A.Kazımova hər zaman S.Bağırova dəstək olduğunu deyib:"Samirin xətrini çox istəyirəm. Artıq neçə ildir ki, o, bu sənətdən uzaqlaşıb. Amma mən bunu istəmirəm. İstəyirəm ki, Samir yenidən sənətə qayıtsın. Bu duetimiz ayağı Samir Bağırova düşərli olar. Samir səhnə üçün doğulub”.“Səninlə”  mahnısının musiqisi Emil Şahinə, sözləri isə Cəlal Qurbanova aiddir. Mahnı Hakan Erolun studiyasında yazılıb.

    Rejissorluğunu Kənan Musayevin etdiyi “Zaman adlı qatar” filminin treyleri yayımlanıb. Ekran işində xalq artisti Həmidə Ömərova, əməkdar artist Suqra Bağırzadə, aktrisa Könül Nağıyeva, kinorejissor Ayaz Salayev, aparıcı Şəhriyar Əbilov və başqaları rol alıb. Film martın 31-dən etibarən şəhərin bütün kinoteatrlarında nümayiş olunacaq.

    Müğənni Elçin Cəfərov nişanlısından danışıb. İfaçı açıqlamasında nişanlısının və özünün qadağalarından bəhs edib:“Mən sənətçi adamam, evlənəcəyimlə bağlı xəbərlər çıxır. Bu mənə problem yaratmır. Amma çox danışılmasını istəmir.Nişanlanandan sonra həyatımda çox şeyi dəyişməmişəm. Mən sənətçiyəm, məni olduğum kimi qəbul edilirəm. Mənə qadağa qoyula bilməz. Qadağanı kişi qoya bilər. Mənim qarşı tərəfə qoyduğum qadağa isə şəxsi məsələmdir, açıqlaya bilmərəm”. Yaradıcılıq yeniliklərindən danışan E.Cəfərov klip çəkdirəcəyini bildirib:“Yeni mahnılarım var. Konsert də verməyi düşünürəm”.Qeyd edək ki, keçmiş millət vəkili Sabir Rüstəmxanlının qızı ilə nişanlanan müğənninin toyu aprelin 25-də baş tutacaq.

     Müğənni Ayan Babakişiyeva şəxsi həyatından danışıb. İfaçı açıqlamasında xoşbəxt olmaq istəyini dilə gətirib:Səmimi etiraf edəcəm ki, şəxsi həyatım boşdu. Anam, qardaşım və qızım, onlar mənim üçün müqəddəs və toxunulmazdır. Təbii ki, hər bir xanım istəyir xoşbəxt olsun. Həmçinin də mən, xoşbəxt olmaq istəyirəm. Amma şəxsi həyatım boşdur. Namizəd yoxdur. Ola bilsin var, mən olanları görmək istəmirəm, gözümü tam açmamışam. Artıq anam əsəbiləşir. Deyir "sən belə eləmə. Mən varam, sən istədiyin qədər sənətinlə məşğul ol, uşağa baxacam". Amma çəkilişə, salona, hansısa təbdirə gedirəm, elə bilirəm, günah iş görürəm. Anam nəinki qızıma qarşı, hər bir işin üzərində əsir".

 

Əhəd Miriyev

 

MuzTv.az