Maestro Niyazinin abidəsi ucaldılacaq

Bu ilin sonunadək Bakıda Maestro Niyazinin abidəsi ucaldılacaq. 

    Bu ilin sonunadək Bakıda Maestro Niyazinin abidəsi ucaldılacaq. Bu barədə mədəniyyət və turizm nazirinin müavini Ədalət Vəliyev bildirib. O deyib ki, abidənin müəllifi xalq rəssamı Ömər Eldarovdur.

    Müğənni Xəyyam Nisanov maraqlı hobbisi olduğunu açıqlayıb. Axşam.az-ın məlumatına görə, sənətçi “nargismagazine.az” saytına müsahibəsində kibrit yığdığını deyib. X.Nisanov kolleksiyasında 1800-ə qədər kibrit olduğunu bildirib:“Kibrit yığmaq ideyasını mənə yaxın dostum verib. Bir dəfə o, yığdığı kibritləri mənə hədiyyə etdi, məmnuniyyətlə götürdüm. Dünyanın harasına gedirəmsə oradan kibrit alıram. Evimdə bir otağı bu dəyərli hobbim üçün ayırmışam. Ora heç kim toxuna bilməz. Səfərlərdə olanda kolleksiyama anam nəzarət edir. Məqsədim bu hobbi ilə “Ginnesin rekordlar kitabı”na düşməkdir. Mən Azərbaycandan bu kitaba düşəcək ilk insan olmaq istəyirəm”.

    Müğənni Rəqsanə İsmayılova sosial şəbəkədə yeni fotolarını paylaşıb. Big.az xəbər verir ki, ifaçının fotolarda solğun olduğu, çətin günlər yaşadığı diqqətdən yayınmayıb. Xatırladaq ki, R.İsmayılova bir müddət öncə verdiyi açıqlamada bir dərdi olduğunu yazmışdı: "Məni sevənlər, dəyər verdiklərim, bu aralar çəkə bilmədiyim bir dərd məni üstələdi. Elə şeylər var ki, yaza bilmirəm, amma ürəyim doludur. Çox yaxın bir itki yaşadım. Yazmaq da, demək də, çox çətindir. Artıq on gün keçib, amma ayağa durmalıyam və olanlarla barışmalıyam. Allah səbr verəndir. Tanrım heç kimə acı dərd göstərməsin. Vaxt gələr bir gün yaşadığım bu dərdləri sizlərlə bölüşərəm. Amma indi hazır deyiləm. Bunları yazdım, az da olsa, rahatlıq tapdım".

    Müğənni Mirkamil Kamilov ilk konsertinə hazırlaşır.Konsert 8mart Beynəlxalq Qadınlar günündə əyləncə məkanlarının birində keçiriləcək. Bu barədə konsertin təşkilatçısı Aynur Hacıyeva məlumat verib:“Mirkamilin konsertinin 8 mart, məhz qadınlar bayramı günündə təşkili təsadüf deyil. Mirkamil bəstəsi Emil Şahinə məxsus olan "Ana" haqqında mahnısının təqdimatına hazırlaşırdı. Həmin təqdimatı və konserti bir günə müəyyənləşdirdik. Konsert analarımıza, xanımlarımıza itaf olunacaq. Konsertdə maraqlı sürprizlər gözlənilir. Eyni zamanda sənətçi dostlarımız tamaşaçı qismində iştirak edəcəklər, onlardan səhnəni bölüşənləri də olacaq”.

 

Əhəd Miriyev

 

MuzTv.az