Azərbaycanı 61-ci “Eurovision” Mahnı Müsabiqəsində Səmra Rəhimli təmsil edəcək

Azərbaycanı 61-ci “Eurovision” Mahnı Müsabiqəsində təmsil edəcəyi deyilən Səmra Rəhimlinin iştirakı təsdiqini tapıb.

     Azərbaycanı 61-ci “Eurovision” Mahnı Müsabiqəsində təmsil edəcəyi deyilən Səmra Rəhimlinin iştirakı təsdiqini tapıb.Qafqazinfo xəbər verir ki, 2010, 2011 və 2012-ci illərdə Azərbaycanın Eurovision mahnılarını hazırlayan isveçli söz yazarı Sandra Bjurman sosial şəbəkədə Səmrayla birgə fotosunu paylaşıb.Ukraynada çəkilən foto bir neçə saat sonra Sandranın səhifəsindən silinib. Lakin sözügedən foto Türkiyədə “Eurovision” xəbərlərini yayımlayan “eschalley.com”da işıqlandırılıb.Sayt iddia edib ki, Səmra Rəhimli Eurovision səhnəsində “Miracle” adlı mahnı ilə çıxış edəcək.Qeyd edək ki, Sandra Bjurman Safura Əlizadənin “Drip drop”, Ell and Nikkinin “Running scared”, Səbinə Babayevanın “When the music dies” mahnılarının söz yazarıdır.

    Xalq artisti Brilliant Dadaşova xanımları 8 Mart bayramı münasibətiylə təbrik edib. Axşam.az-ın məlumatına görə, müğənni bunla bağlı pianoda canlı mahnı ifa edib və videosunu sosial şəbəkədə yerləşdirib. B.Dadaşova “Əziz xanımlarımıza özəl. Bəylərimizin isə çərşənbəsi mübarək. Aygün Səmədzadə var olsun. İlqar Muradov bu musiqini çox gözəl ifa edib” şərhini yazıb.

    Əməkdar artist Röya Ayxan yeni fotosessiya etdirib. Müğənninin yeni şəkilləri sosial şəbəkədə yayılıb. Fotoların müəllifi Hüseyn Bağırovdur. Röyanın geyimləri isə özünün sahib olduğu moda evinə məxsusdur.

    Türkiyəli rejissor, aktyor Özcan Denizin çəkdiyi “Her şey aşkdan” filminin Bakıdakı qala gecəsi təxirə düşüb. Bu haqda tədbiri təşkil edən Nizami Kino Mərkəzindən xəbər verilib. Aktyorların və yaradıcı heyətin Bakıya gəlməməsinin səbəbi kimi onların iş qrafiki göstərilib. Belə ki, işləri çox olan heyət Azərbaycan səfərindən imtina edib. 

 

Əhəd Miriyev

 

MuzTv.az