Azərbaycan "Eurovision"-da bu mahnı ilə təmsil olunacaq

Bu il ölkəmizi "Eurovision" müsabiqəsində təmsil edəcək ifaçı Səmra Rəhimlinin ifa edəcəyi “Miracle” mahnısı artıq təqdim olunub. 

     Bu il ölkəmizi "Eurovision" müsabiqəsində təmsil edəcək ifaçı Səmra Rəhimlinin ifa edəcəyi “Miracle” mahnısı artıq təqdim olunub. Axşam.az-ın məlumatına görə, bəstə müsabiqənin rəsmi “Youtube” kanalına yerləşdirilib.“Eurovision” nümayəndə heyətimiz bu dəfə də Sandra Bjurman və Amir Aly-nin daxil olduğu isveçli və ukraynalı nümayəndə heyəti ilə çalışıb. Stokholmda baş tutacaq 61-ci “Eurovision” yarışmasında Azərbaycan birinci yarımfinalın ikinci hissəsində çıxış edəcək.Qeyd edək ki, Səmra "Səs Azərbaycan" yarışmasına qatılmış və dördüncü olmuşdu.

    Müğənni Aysel Əlizadə sənətindəki durğunluğun səbəblərini açıqlayıb. İfaçı toylarının azalmasından şikayətlənib:“Yeni mahnılar yazdırıram. Bu aralar Novruzla bağlı çox çəkilişlərim var. Vaxt ayırıb diski təqdim edə bilmirəm. Disklərim hazırdır, evdə qutularda qalıb. Yaxın günlərdə təqdim edəcəm. Devalvasiya bizə də təsir etdi. Hansısa maddi çətinliklərimiz var, amma bunu tamaşaçıya büruzə verməməyə çalışırıq. Toylarımda da azalma var. Tək məndə yox, hamıda belədir”.

     Türkiyəli müğənni Ebru Gündeş Batumi Türk Sənayeçi və İş Adamları Dərnəyinin Bakıda təşkil etdiyi xüsusi gecəyə qatılıb.İki saat yarımlıq konsert proqramı ilə çıxış edən sənətçi dinləyicilərinə maraqlı gecə yaşadıb. Azərbaycanlı fanatlarının sürprizi Ebrunu duyğulandırıb.Üzərində “Türk musiqisinin yaşayan əfsanəsi” yazılmış mükafat lövhəsi alan E.Gündeş bundan çox təsirlənib. O, “Məni utandırdınız və qürur verdiniz. Hər zaman bu tərif və alqışlarınıza layiq olmağa çalışacağam”, - deyə hisslərini ifadə edib.

      Ukrayna estradasının ulduzu Svetlana Loboda Bakıda konsert verib. PrimeTime.Az xəbər verir ki, paytaxtımıza təşrif buyuran müğənni Xəzər dənizinin sahillərində gəzib. Fotolarını sosial şəbəkədə paylaşan Svetlana: "Dənizdə nəfəs almağı və plan qurmağı sevirəm. Bu gün mən bunu etdim" deyə yazıb. Bakıya sonsuz təşəkkürünü bildirən ukraynalı müğənni Azərbaycan əfsanəsi haqda ürək sözlərini dilə gətirib: "Müslüm Maqomayev oxuyanda, aləm susur".

 

Əhəd Miriyev

 

MuzTv.az