Eldar Qasımovun “Sevgi alovlandırandır” adlı yeni mahnısı

“Eurovision 2011” qalibi Eldar Qasımov “Sevgi alovlandırandır” adlı yeni mahnısını təqdim edib. 

     “Eurovision 2011” qalibi Eldar Qasımov “Sevgi alovlandırandır” adlı yeni mahnısını təqdim edib. Axşam.az-ın məlumatıına görə, ifaçı mahnının fərqli tərzdə oxuduğunu bildirib.

      Müğənni Xumar Qədimovaqalmaqallardan uzaq olmasının səbəblərini açıqlayıb.İfaçı açıqlamasında belə daha rahat olduğunu bildirib:“Hər bir insan öz mahiyyətini ortaya qoyur. Bu da mənim yolumdur. Mən belə daha rahatam, xoşbəxtəm. İnsanlar məni bu cür qəbul edərək sevirlər. Mənə deyirlər ki, sən o birilərinə qoşulma, hər zaman belə qal. Sənətdə də, özünü təqdim etməkdə də fərqli olmaq lazımdır. Hamı kimi qalmaqallı olsan, kimə lazımsan?".X.Qədimova onu təqlid edənlərin olduğunu deyib: "Kənardan deyirlər ki, kimlərsə hərəkəti, danışığı ilə sizi təkrarlayır. Olsun, nəyi pisdir? Mən İncəsənət Universitetini bitirmişəm, müəllimə deyiləm. Amma öyrədə bilirəm. Kimsə səni təqlid edir, özünü sənə oxşadırsa, deməli, o adam sənə xidmət edir”. 

     Müğənni Nadir Qafarzadə haqqında yayılan şayiələrdən bəhs edib. Sənətçi onun ölüm xəbərinin yayıldığını bildirib:“Bu insanların işi-gücü yoxdur? Yalandan sosial şəbəkədə şayiə yaymaqla nə qazanırlar? Yayıblar ki, mən ölmüşəm. Sözüm yoxdur. Ay mərdimazarlar, Allah bəlanızı versin. Belələrinə nə ad vermək olar? Bəs yazıq deyiləm? Hələ cavanam axı, övladlarım var, onlar necə olar? Hələ arzularım çoxdur. Allah hər kəsə ömür versin”.

     Rəqqasə Fatimə Fətəliyeva onun ayağının altını qazmağa çalışanlara xəbərdarlıq edib:“Allah hamının ruzisini versin. Min şükr ki, Allah hər istədiyimi verib. Niyə bizimkilər istəmirlər ki, kimsə qabağa getsin? Onsuz da Allah hamının ruzisini verir. Niyə kimsə qabağa getdi deyə, paxıllıq çəkməliyik ki? Belə də ki, bacarana can qurban. Bacarmırsansa, otur yerində”.

 

Əhəd Miriyev

 

MuzTv.az