Röya Ayxan: “Heç vaxt dəb arxasınca qaçmıram”

Əməkdar artist Röya Ayxan “Port Baku magazine” dərgisinə müsahibə verib.

    Əməkdar artist Röya Ayxan “Port Baku magazine” dərgisinə müsahibə verib.Axşam.az-ın məlumatına görə, sənətçi geyim tərzindən və alış-veriş sevgisindən danışıb.“Köhnə şəkillərimə baxıram və özümdən soruşuram: “Röya sən necə belə geyinə bilərdin?”. Bəzilərinə çox gülürəm. İnsan böyüdükcə, həyata baxışı, zövqü dəyişir. İndi özüm haqqında danışanda zövqlü olduğumu deyə bilərəm”.Səhvlərim üzərində çalışmağı bacarıram. Stilim üzərində illərlə çalışılıb. Xoşbəxtəm ki, onu formalaşdırmağı bacarmışam. Burada isə eqoistlik böyük rol oynayır: əgər siz özünüzü sevirsinizsə, ətrafdakılar da sizi sevəcək. Bu illərlə təcrübədən keçirilmiş haldır. Özümü “şopoqolik” adlandıra bilərəm. Amma buna görə peşman deyiləm, mən dəbin qurbanı, brendlərin əsiri deyiləm. Alış-veriş zamanı düşünmədən böyük məbləğ xərcləyə bilərəm. Heç vaxt dəb arxasınca qaçmıram. Özümə yaraşanı alıram. Əsas öz stilini tapmaq, onun arxasınca getməkdir. Hər kəs dəbli xanım ola bilər. Amma tərzli biri olmaq asan deyil”.

   Müğənni Xəyyam Nisanov bayram ərəfəsində gəzintiyə yollanıb. Kannda dincələn ifaçı fotolarını sosial şəbəkədə paylaşıb. X.Nisanov şəklinə “Salam Fransa. Mənim sevimli yerim Fransa, Monako, Kann” qısa şərhini yazıb.

   Müğənni Elvin Abdullayev yeni klip çəkdirəcək.O, açıqlamasında yaxın günlərdə xaricdə klip çəkdirəcəyini bildirib:“Bu yaxınlarda işıq üzü görən “Ah çəkirəm” adlı mahnıma klip çəkdirməyi düşünürəm. Artıq danışıqlar aparılıb. Gələn ay Amsterdama yola düşürəm. Ekran işi orada çəkiləcək. Mahnının sözləri Telli Orucqızına, musiqisi isə özümə aiddir”.

    Müğənni Xatirə İslam “Sənsizləmişəm” mahnısını yeni versiyada təqdim edib. Bəstənin sözləri Vüqara, musiqisi isə Tunar Rəhmanoğluna aiddir. Mahnının akustik versiyasının aranjimanı Rabil Səfərliyə məxsusdur.

 

Əhəd Miriyev

 

MuzTv.az