Aygün Kazımovanın bayram təbriki

Xalq artisti Aygün Kazımova Novruz bayramı münasibətilə sevənlərini və media nümayəndələrini təbrik edib. 

   Xalq artisti Aygün Kazımova Novruz bayramı münasibətilə sevənlərini və media nümayəndələrini təbrik edib. “Sizi milli adət-ənənələrlə zəngin olan Novruz bayramı münasibətilə səmimi qəlbdən təbrik edir, bu əziz bayram günlərində hər birinizə bahar əhval-ruhiyyəsi, can sağlığı və səadət arzulayıram. Qələminiz hər zaman iti, sözünüz kəsərli olsun.Bu ərəfədə mən bəzi jurnalistlərin qeyri-peşəkarlığı üzündən xoş olmayan xəbərlərlə üzləşdim. Arzu edirəm ki, işinizdə peşəkarlığı, araşdırmaçılığı üstün tutasınız və qələminizdən yoxlanılmamış xəbərlər çıxmasın.Ən böyük arzum isə odur ki, qələminizdən “Novruz şənliyi Qarabağda” adlı xəbər çıxsın.Novruz bayramınız mübarək olsun!”.

   Yeni lentə alınan “Pərdə” adlı filmin ilk reklam çarxı yayılıb. Axşam.az-ın məlumatına görə, Emil Quliyevin rejissorluğu ilə çəkilən ekran işi dram janrındadır. Filmdə Tural Əhməd, Vüsal Mehrəliyev, Azər Aydəmir, Könül Cəfərzadə, Ayşad Məmmədov və başqaları rol alıb. “Pərdə” aprelin 21-də nümayiş olunacaq.

   Müğənni Günay İbrahimli plastik əməliyyat etdirib. Ötən gün baş tutan əməliyyatda ifaçı burnunu düzəltdirib. G.İbrahimli əməliyyatdan sonrakı ilk fotosunu sosial şəbəkədə paylaşıb.

   Türkiyəli müğənni Sərdar Ortaç Bakıdadır.Bu barədə sosial şəbəkədə Sərdarla fotosunu paylaşan əməkdar artist Ədalət Şükürov yazıb. O, şəklə “Xoş gəlmisən, qardaş” sözlərini qeyd edib.Xatırladaq ki, ötən il Sərdar Ortaç Ədalət Şükürovun “Dedim yox” mahnısını “Çək əlini üstümdən” albomuna daxil edib. 

 

Əhəd Miriyev

 

MuzTv.az