Zayn Malik keçmiş nişanlısının anasını evdən qovdu

"One Direction" qrupunun keçmiş üzvü Zayn Malik iki il nişanlı qaldığı, "Little Mix" qrupunun üzvlərindən olan Perri Eduardsın anasını o vaxt aldığı evdən çıxarır.

    "One Direction" qrupunun keçmiş üzvü Zayn Malik iki il nişanlı qaldığı, "Little Mix" qrupunun üzvlərindən olan Perri Eduardsın anasını o vaxt aldığı evdən çıxarır. Axşam.az-ın xarici KİV-ə istinadən məlumatına görə, gənclərin sevimlisi olan cütlük  Hertfordşirdə yerləşən, 3 milyon sterlinq (təxminən 6 milyon manat) dəyərində bir mülkü aldıqdan sonra ayrılmışdı.  23 yaşlı Zayn 2014-cü ildə daha bir evi İngiltərənin Dorset şəhərində 20 milyon sterlinqə (təxminən 41 milyon manat) almışdı. Perrinin anası Deddi Eduards da buraya köçərək yaşamağa başlamışdı. Ancaq Zaynın Perrini aldatdığı iddiaları səbəbiylə cütlük ayrılıb. Ondan sonra Z.Malik Perrinin anasından ona məxsus evdən çıxmasını tələb edib. Müğənni əks halda məhkəməyə müraciət edəcəyini bildirib. Onun keçmiş həyatından heç bir izin qalmasını istəmədiyi deyilir.  Debbi isə artıq yeni ev alaraq oraya köçməyə hazırlaşır. Z.Malik hazırda 20 yaşlı model Gigi Hadidlə sevgilidir.

    Aktrisa Hazal Kaya fanatlarını kədərləndirəcək qərar verib.Ən son "Maral" serialıyla ekranlarda görünən Hazal yeni mövsümdə heç bir serialda çəkilməyəcək. O, istirahət etmək istədiyini deyərək mətbəx kurslarına gedir. 2014-cü ildə aşpazlıq dərsləri alan 25 yaşlı aktrisa "Maral"a görə təhsilini dayandırmışdı. Bu sahədə peşəkarlaşaraq İtaliyada restoran açmaq istəyən H.Kaya təhsilinə davam edir. Qeyd edək ki, aktrisa bir neçə ay əvvəl kəskin arıqlaması ilə gündəmə gəlmişdi.

    Aktyor Kıvanç Tatlıtuğ bu yaxınlarda basketbol oynayarkən ciddi zədə aldıqdan sonra bir müddət idi ki, əlil arabasından istifadə edirdi. Tatlıtuğ uzun illərdən bəri olan diz bağlarındakı problemə görə dünən hər iki dizindən əməliyyat olunub. Aktyoru həyat yoldaşı Başak Dizer tək buraxmayıb. Kıvanç bu gün xəstəxanadan buraxılacaq.

   Aktrisa Məryəm Uzerli yeni reklam müqaviləsi imzalayıb. İndiyə qədər aktyor Tolqa Çeviklə işləyən markanın yeni siması Məryəm olacaq. O, 2,5 milyon lirə (təxminən 1,3 milyon manat) qonorar alacaq. Reklam filmində aktrisanın tərəf müqabili ən son "Boynu bükükler" serialı ilə ekrana gələn aktyor Ünal Yeter olacaq.

 

Sevda Məmmədova

 

Muz-Tv.az