Müğənni Rəqsanə Moskvada biznes qurub

Müğənni Rəqsanə İsmayılova Moskvada özünə biznes qurub. 

    Müğənni Rəqsanə İsmayılova Moskvada özünə biznes qurub. Axşam.az-ın məlumatına görə, sənətçi xına mərasimlərinin təşkili ilə məşğul olan mağaza açıb:“Moskvada xına evimiz fəaliyyətə başladı. Rəhbəri özüməm. Bütün təşkilatı biz edirik. Məclisi özüm idarə edirəm. Əlavə kimləri görmək istəsəniz, çağırırıq. Bütün qızlarımız, balalarımız xoşbəxt olsun, biz də iştirak edək. Allah hər kəsin ruzisini versin”.

    Müğənni Günay İbrahimlinin rol aldığı “Sadəcə sev” filminin reklam çarxı yayımlanıb. Axşam.az-ın məlumatına görə, ekran işinin ssenari müəllifi Elçin Muradov, quruluşçu rejissoru Sain Qəhrəman, operatoru Vasif Vəlizadə, baş prodüseri Rüstəm Əliyevdir. Filmdə ifaçı ilə yanaşı aktyorlar  Cövdət Şükürov və Elşən Rüstəmov da rol alıb. “Sadəcə sev” G.İbrahimlinin cəsarətli səhnələri ilə diqqət çəkib. Ekran işi apreldə kinoteartrlarda nümayiş olunacaq.

    Əməkdar artistlər Cavanşir Məmmədov və Firuzə İbadovanın toyda başına iş gəlib.Cavanşir Məmmədovun toydan çıxan zaman döyüldüyü iddia olunub.Cavanşir Məmmədov məsələ ilə bağlı unikal.org-a danışıb. Müğənni restoranda arxadan vurulduğunu söyləyib:“Paytaxt restoranlarının birində bizim əməkdar artist Firuzə İbadova ilə yarım saatlıq çıxışımız var idi. Axşam 21:30-da proqramda çıxış etdik. Çıxanda bir nəfər yoldaş bizə yaxınlaşdı ki, yarım saaat da qalıb çıxış etməlisiniz. Elə müğənnilər var ki, onları döyüb qovurlar. Yarım saat əlavə qalmaq üçün bizimlə mübahisə etdi. Mən də bildirdim ki, bizim başqa yerdə çıxışımız var. Gedib sonra qayıdarıq. Biz qapıdan çıxanda məni arxadan vurdu. Bununla bağlı toy sahibləri həmin şəxsi tənbeh etdilər. Bir neçə dəqiqə keçəndən sonra məlum odu ki, biz çıxandan sonra bu şəxs özünü bıçaqlayıb”.

    Sosial şəbəkədə Elnarə Abdullayevanın konsertdən sonra səsinin batması haqqında xəbər yayılıb. Buna münasibət bildirən xanəndənin mətbuat katibi Tahirə Məmmədqızı Teleqraf.com-a bildirib ki, E.Abdullayevanın səsi batmayıb: “E.Abdullayevanın səsində problem yoxdur. Şükür Allaha hər şey yaxşıdır. Səsinin batması haqqında yayılan xəbərlər gülməli gəlir. Çünki səhnədə səsində zərrə qədər də olsun problem yaşanmayıb. Belə şayiələrə uymağa dəyməz. Konsertdən sonra ola bilər ki, bəziləri qısqanclıqlarını hiss etdirməyə başlayaraq, belə şayiələr yayırlar”.

 

Rəvan Nasiroğlu

 

Muz-Tv.az