“Vətən anadır, onsuz heç nəyəm”
Aprelin 1-dən 2-nə keçən gecədən başlayaraq Ermənistanın Azərbaycana qarşı növbəti silahlı təxribatı nəticəsində həlak olmuş hərbiçilərimizin
Aprelin 1-dən 2-nə keçən gecədən başlayaraq Ermənistanın Azərbaycana qarşı növbəti silahlı təxribatı nəticəsində həlak olmuş hərbiçilərimizin ruhunu yad etmək və ordumuza dəstək məqsədi ilə yerli məşhurlarımız sosial şəbəkədə bir çox paylaşımlar etməyə davam edir. Onlar cəbhədə vuruşmağa hazır olduqlarını deyərək ordumuza güvəndiklərini vurğulayırlar. Qarabağ müharibəsində səngərə gedən xalq artisti Aygün Kazımova hər an ordumuza dəstək olmaq üçün yenidən səngərə yollana biləcəyini deyib:“Vətən anadır. Vətən mənim özümdür! Onsuz heç kiməm! Onsuz heç nəyəm! Mən Qarabağ döyüşlərində səngərdə olan Azərbaycan qızıyam! Səngərə yollanan ilk azərbaycanlı müğənniyəm.Avtomat çiynimdə olan Azərbaycan qızıyam! Yenidən səngərə dönməyə hər an hazıram!". Əməkdar artist Elza Seyidcahan xalqımızı birlik olmağa səsləyib. İfaçı sosial şəbəkədə “Yumruq olaq” adlı şeirini paylaşaraq, şəhidlərimizə Allahdan rəhmət diləyib.
Müğənni Rəqsanə İsmayılova hər kəsin Şəmistan Əlizamanlının ifasından tanıdığı “İgid əsgər möhkəm dayan” mahnısını vətən uğrunda şəhid olan əsgərlərimizin ruhuna ithaf olaraq yenidən səsləndirib.Rəqsanə də ordumuzda könüllü iştirak etmək istəyənlər arasındadır. "Hər birimiz bu millətin övladıyıq, müharibəyə mən də gedərəm. Vətənim uğrunda döyüşüb canımdan da keçməyə hazıram. İgid əsgər, möhkəm dayan" mahnısını şəhidlərimizin əziz ruhuna ithaf edirəm, tezliklə bu mahnını Qarabağda səsləndirəcəyimə çox ümidliyəm".Tanınmış müğənni Nura Suri də son günlərdə cəbhədə baş verən hadisələrə biganə qalmayıb. İfaçı atasının cəbhə bölgəsinə getmək istədiyini vurğulayıb:“Qəhrəmanlıq, vətənpərvərlik qanda olur, əməldə olur! 75 yaşlı atamın neçə gündür getmədiyi,müraciət etmədiyi yer qalmayıb. Cəbhəyə göndərliməsini istəyir. Anam da, mən də razılıq verdik. Çünki atamın təcrübəsi böyükdür. Səhifələri güdüb, şərh yazmaq sənət deyil.”Daima sülhsevər paylaşımları ilə müharibəyə qarşı çıxan “Eurovision 2011”in qalibi Eldar Qasımov “Karabakh is Azerbaijan” kampaniyasına qoşulub. Axşam.az-ın məlumatına görə, cəbhədə baş verən atışmaya münasibət bildirən ifaçı sosial şəbəkədə bunları yazıb: “Özümü həmişə dünya vətəndaşı kimi hiss etmişəm. Hər bir ölkədə özümə aid olan bir şeylər tapmışam və onlar mənim evim kimi olub. Tarixi köklərim azərbaycanlıdır və mən bununla fəxr edirəm. Ölkəmin hər hansı bir yerindən “müharibə” sözü eşidəndə bütün cismim ağlayır.Sosial şəbəkədə ordumuza dəstək olanlarının arasında xalq artisti Faiq Ağayev də var: “Yaşa var ol, vətən! Şəhid ruhları cənnətə qovuşdu”.Əməkdar artist Röya Ayxan isə hər kəsə qələbə xəbərini eşitmək və sevinc göz yaşı axıtmağı arzuladı.Natavan Həbibi: “Azərbaycanım, Türkiyəm, Türkmənistanım! Allah bizimlədir”.Günay İbrahimli: “Videoları görüb dəhşətə gəldim.Allah əsgərlərimizi qorusun”.Roza Zərgərli: “İnşallah bayrağımızı sübh namazında Qarabağda sancaq və bayrağımız Qarabağda dalğalansın”
Hər il ad gününü təmtəraqla qeyd edən Fatimə, bu dəfə ənənəsini pozdu. Buna səbəb isə, günlərdir cəbhədə baş verən hadisələr zamanı 12 əsgərimizin şəhid olmasıdır:"Bir neçə gündür ki, doğum günümə həvəslə hazırlaşırdım, hətta ad günümün keçirələcəyi məkan da tam bəzədilib. Qonaqlarım da dəvət edilmişdi. Ancaq cəbhə bölgəsindəki gərgin vəziyyət və orda həyatını itirən, şəhidlik zirvəsinə yüksələn oğullarımızın ruhuna hörmət əlaməti olaraq doğum günümü təxirə saldığımı sevənlərimin diqqətinə çatdırıram. Ölkəmin şəhid verdiyi gündə, məclis qurub, sevinə bilmərəm"
Rəvan Nasiroğlu
Muz-Tv.az