Türkiyəli məşhurlar Azərbaycandan yazdılar

Son günlərdə cəbhə bölgəsində baş verən hadisələr dünyanın bir çox ölkələrinin gündəmindədir.  

    Son günlərdə cəbhə bölgəsində baş verən hadisələr dünyanın bir çox ölkələrinin gündəmindədir.  Ölkəmizə Ermənistanla olan bu müharibədə Türkiyə, Pakistan, Türkmənistan, Belarusiya və digər ölkələr öz dəstəyini göstərir.  Adı sadalanan ölkələrin vətəndaşları və tanınmış şəxsləri də sosial şəbəkədə xalqımıza öz dostluqlarını göstərib. İki ölkə arasında olan gərginliyə türkiyəli məşhurlar da biganə qalmayıb. Əsgərlərimizə dualar edənlər arasında Mehmet Ali Erbil, Soner Sarıkabadayı, Tuğba İldiz, Özge Ulusoy, Doğuş, və Dərya Tuna yer alıb.

Dərya Tuna : “Ölən şəhidlərimizə Allahdan  rəhmət diləyirəm”

Tuğba İldiz: “Bir azərbaycanlı olaraq  Allah yar və yardımçınız olsun. Dualarımız sizinlədir”

Doğuş: “Canımız sənə fəda Azərbaycan əsgəri. Sizinlə birlikdə Qarabağ üçün savaşmağa hazıram”

Soner Sarıkabadayı: “Ayrılarmı könül candan? Canımızsan Azərbaycan”

 Mehmet Ali Ərbil: “Başımız sağolsun”

     Azərbaycana təkcə türkiyəli məşhurlardan deyil, onlarla yanaşı Rusiyanın tanınmış aparıcısı Dmitriy Nağıyevdən də dəstək gəlib. O, sosial şəbəkədə bayrağımızı paylaşıb. Həmyerlilərimiz Dmitriyin bu addımını alqışlayıb, ona təşəkkür şərhləri yazıblar. 

Rusiyanın xalq artisti, bəstəkar, şair və müğənni Oleq Qazmanov da Azərbaycanda, cəbhə bölgəsində baş verənlərə biganə qalmayıb. O, sosial şəbəkədəki rəsmi hesabında Azərbaycan bayrağını əlində tutaraq bu şərhi yazıb: "Qarabağ-qədim Azərbaycan torpağıdır".

 

Rəvan Nasiroğlu

 

Muz-Tv.az