Tanınmışlar xalqı mübarizəyə səslədi
Xalq artisti, "Şöhrət" ordenli aktyor Rasim Balayev əsgərlərimizə dəstək olub: "Cəbhədəki gərginlik illərdir davam edir.
Xalq artisti, "Şöhrət" ordenli aktyor Rasim Balayev əsgərlərimizə dəstək olub: "Cəbhədəki gərginlik illərdir davam edir. Bunun artıq bir sonu olmalıdır. Bütün ölkələr deyir ki, danışıq yolu ilə razılaşmaya gəlin. Sual edirəm, məgər ermənilər danışıq yolu ilə torpaqlarımızda məskunlaşıblar? Ermənilər elə sırtıq millətdir ki, onları ancaq torpaqlarımızdan vurub çıxarmaq lazımdır. Şəhidlər verməyimiz bir ata kimi məni çox üzsə də, mübarizəmizi sona qədər davam etdirməliyik. Qarabağı tam azad edənə kimi savaşmaq lazımdır. Müharibə etməkdən başqa yolumuz yoxdur. Yaşasın güclü Azərbaycan ordusu. Biz onlardan qələbə müjdəli xəbərlər gözləyirik".
Şou-biznesin tanınmış simaları cəbhədə döyüşən əsgərlərə dəstək olmağa yollanıb. Axşam.az-ın məlumatına görə, prodüser Tolikin təşkil etdiyi səfərdə rəqqasə Fatimə Fətəliyeva, müğənnilər Elton Hüseynəliyev, Sevil Səfərova, Aysel Əlizadə, Zenfira İbrahimova, Nadir Qafarzadə, fotoqraf Cəlal Kəngərli yer alıb. Onlar əsgərlərlə görüşüb, mahnılar oxuyub və şəkillər çəkdiriblər. Tanınmışlar səfərdən fotolarını və videolarını sosial şəbəkədə paylaşıblar.
Son 3 gündə cəbhədə baş verən ağır döyüşlər hər kəsin diqqət mərkəzindədir. Azərbaycan əməkdar artisti Ədalət Şükürov sosial şəbəkə istifadəçilərini təşviş yaratmamağa səsləyib: "Kənd sakinlərindən biri sosial şəbəkədə video paylaşıb ki, bizim əsgərlər 4 kəndi alıb, ermənilərə gücümüzü göstərdi. Belə videonu yayanlar niyə başa düşmürlər ki, bu məlumatları yaymaq olmaz. Düşmənlər bizim Facebook, İnstagram kimi səhifələrimizi izləyirlər. Niyə sirlərimizi açıb düşmənə göstəririk? Müharibəni bəziləri oyuncaq edib. Düşmənin kəsilmiş başını sosial şəbəkələrdə yaymaq da düzgün deyil. Dünya ictimaiyyəti bizi yox, erməniləri terrorist kimi tanımalıdır. Çünki,onlar bizim 20 faizdən çox torpağımızı işğal ediblər. İnstagram səhifəmdə müraciət edib xahiş etdim ki, bu cür şəkilləri, videoları yığışdırsınlar. Bir çox insan bu sözlərimə dəstək çıxdı". Müğənni, əlinə silah almağa hazır olduğunu da dilə gətirdi: "Biz öz torpaqlarımız üçün savaşırıq. Hərbi xidmətdə 32 il öncə olmuşam. 3 il sualtı gəmidə xidmət göstərmişəm. O, gündən etibarən də müharibəyə hər zaman hazıram. Ermənilər öz əsgərlərini toplayıb səfərbərliyini elan edirlər. Bizə nə olub ki? Vətənimizin keşiyində dayanmaq hər birimizin borcudur. O cümlədən də mən vətənimizin keşiyində durmağa hazıram. Ümummilli Liderimiz Heydər Əliyevin "Mən fəxr edirəm ki, Azərbaycanlıyam" sözləri bizim həyat devizimdir".
Cəbhədə yaşanan gərginliyə müğənni Günay İbrahimli də etinasız yanaşmır. Müğənni məlum hadisələrdən dolayı bir neçə gündür ki, iştirak etməli olduğu tədbirlərdən imtina edib: "Nəzərdə tutulan tədbirlərdən imtina etmişəm.Bu gün 2 məclisdə çıxış etməli idim, amma cəbhədə əsgərlərimizin can verdiyi bir vaxtda mənə əlimə mikrofon alıb oxumaq yaraşmaz. Bu, mənim vətəndaşlıq borcumdur. Şəhid ailələrinin hər birinə dərin hüzünlə baş sağlığı verirəm. Şəhid analarımız üzülməsin. Şəhidlik uca zirvədir. Biz canını, qanını torpaq uğrunda fəda edən oğullarımızla fəxr edirik".
Sevda Məmmədova
Muz-Tv.az