Samir Cəfərov: “Yurdum Azərbaycan, adına qurban"

Xalq artisti, opera ifaçısı Samir Cəfərov vətənpərvər ruhda yazılan yeni mahnısını təqdim edib. 

     Xalq artisti, opera ifaçısı Samir Cəfərov vətənpərvər ruhda yazılan yeni mahnısını təqdim edib. PrimeTime.Az xəbər verir ki, "Yurdum Azərbaycan, adına qurban" adlı mahnının sözləri Sahibə Rəşidə, musiqisi Rəhman Əliyevə, aranjemanı Əvəz Muradov və Yaşar Baxışa məxsusdur. Vətəni tərənnüm edən bəstə, əsgərləri qələbəyə ruhlandırır. Zəfər gününün yaxında olduğuna inanan Cəfərov ifasında da, bu devizi səsləndirir. Repertuarında yetəri qədər yurdumuza həsr edilən mahnılar olan S.Cəfərov, bu ifası ilə cəbhədə vuruşan igid oğullarımıza mənəvi dəstəyini nümayiş etdirib.
     Rəşid Behbudov adına Azərbaycan Dövlət Mahnı Teatrında cəbhədə qələbə qazanan Azərbaycan ordusuna dəstək məqsədilə tədbir keçirilib. Axşam.az xəbər verir ki, mərasimdə ilk olaraq vətən uğrunda şəhid olan Azərbaycan oğullarının ruhu bir dəqiqəlik sükutla yad edilib. Tədbirdə çıxış edən Mahnı Teatrının direktoru Kazım Qasımov aprelin 2-dən etibarən, Ermənistan Silahlı Qüvvələrinin bütün cəbhə boyu Azərbaycanın mövqelərini, yaşayış məntəqələrini intensiv atəşə tutmasından, bəzi ərazilərin geri qaytarılmasından danışıb. Əməkdar artistlər İlqar Muradov, Loğman Kərimov, Aybəniz Haşımova, aşıq Əli Tapdıqoğlu və digərləri ermənilərin vəhşiliklərindən danışıblar. Tədbirə qatılanlar arasında müğənni İlhamə Qasımova da yer alıb. 

    Bir qrup tələbə şəhərdə son günlər cəbhədə olanlarla bağlı dəstək aksiyası keçirib. Gənclər vətənpərvər şüarlar səsləndiriblər. Həmin an lentə alınan görüntüləri təqdim edirik.

     Bir çox tanınmışlarla birlikdə cəbhə bölgəsinə yollanan rəqqasə Fatimə Fətəliyevanı özündən çıxarıblar.  Sənətçi əsgərlərin yanına getməsini və fotolarını İnstaqramda paylaşmasını müzakirə edənlərə sərt cavab verib: “Biz Tərtər rayonunda əsgər qardaşlarımıza və kənd camaatına dəstək olduq. Ağzıgöyçək insanlar ağızlarına gələni yazdılar. Guya biz reklam naminə özümüzü göstəririk. Gündəmə gəlmək üçün belə edirik. Əslində belə deyil, mən və digər sənət dostlarım az da olsa rahatlıq tapmağa çalışdıq. Düzdür, böyük bir iş görmədik, sadəcə, dəstək olduq, şəhid ailələrinə başsağlığı verdik. Biz düşmənlərimizi sevindirməməliyik, bir-birimizə dəstək olmalıyıq”.

 

Sevda Məmmədova

 

Muz-Tv.az