Aygün Kazımovanın səhhəti ilə bağlı sənədlər yayıldı

Xalq artisti Aygün Kazımovanın səhhəti ilə bağlı yayılan məlumatlarda yeni detallar üzə çıxıb. 

    Xalq artisti Aygün Kazımovanın səhhəti ilə bağlı yayılan məlumatlarda yeni detallar üzə çıxıb. “Qafqazinfo” xəbər verir ki, ötən gün müğənni mətbuata açıqlamasında ağır xəstəliyinin olması barədə yayılan xəbəri təkzib edib. Aygün Kazımova vəkil Fərid Həsənovu yalan məlumat yaymaqda ittiham edib. Müğənni bildirib ki, o, plastik əməliyyat olunmaq üçün Türkiyəyə gedib, heç bir ağır xəstəliyə tutulmayıb.Bu gün isə Natəvan Həbibinin vəkili Fərid Həsənov Ədliyyə Nazirliyinin İcra Şöbəsinin müğənninin ağır xəstəliyə tutulması ilə bağlı verdiyi sənədin nüsxəsini redaksiyamıza göndərib. Vəkil bildirir ki, yayılmış məlumat həqiqətdir və xalq artisti Aygün Kazımovanın məhkəmə qətnaməsinin icrasını müxtəlif bəhanələr gətirərək uzatması qeyri-mümkündür.Sənəddə qeyd olunur: “İş üzrə borclu Kazımova Aygün Ələsgər qızı 25.12.2015 tarixli ərizə ilə Şöbəyə müraciət edərək, səhhətində ağır problemlərin olduğunu və bununla əlaqədar Azərbaycan Respublikasının hüdudlarından kənara müalicə üçün getməli olduğunu bildirib. Bu səbəbdən onun üzərinə qoyulmuş məhdudiyyət götürülmüşdür”.Vəkil Fərid Həsənov onu da əlavə edib ki, icra şöbəsi sadəcə ərizə əsasında məhdudiyyəti götürə bilməz. Bu səbəbdən həqiqətən də Aygün Kazımovanın səhhətində ağır problemlərin olduğunu təsdiq edən sənədlər işə əlavə edilib, bunu icra şöbəsi də təsdiq edə bilər. Vəkil onu da bildirir ki, əgər Aygün Kazımova sağlam olduğunu söyləyibsə, onda belə çıxır ki, xalq artisti İcra Şöbəsini və Məhkəməni aldadıb, yalan arayış təqdim edib.

    Xalq artisti Məleykə Əsədova tədbirlərin birində fotokameralara tuş gəlib. Aktrisa illərdir eyni saç rəngində gəzməsindən bəhs edib: “Əvvəllər saçımı qara etdirmişdim. Bir ara isə qırmızı rəngə boyatdırdım. Tamaşaçılar bəyənmədi, dedilər, yaraşmır. Mən doğulandan sarısaçlıyam. Ona görə də hər zaman bu rəngdə dolaşıram. Tamaşalarım üçün lazım olsa qara da etdirərəm, qısa da kəsdirərəm. Aktrisayam, obrazım nə tələb etsə, razılaşmalıyam”.

    Müğənni Ramal İsrafilov “Vətən marşı” adlı yeni mahnı hazırlayır. Bəstənin sözləri xalq şairi Bəxtiyar Vahabzadəyə, musiqisi ifaçının özünə aiddir. Aranjiman Vüsal Ömərova məxsusdur. R.İsrafilov son zamanlar cəbhə bölgəsində baş verən hadisələrlə əlaqədar vətənpərvərlik mövzusuna daha çox müraciət olunduğunu deyib: “Çox mahnı yazıldı, amma “Vətən marşı” olmadı. Mahnı bir neçə günə dinləyicilərə təqdim ediləcək”.

   Əməkdar artist Bəsti Sevdiyevanın qızı Aytacın toy mərasimi baş tutub. Şəhər restoranlarından birində keçirilən mərasimə sənət aləminin tanınmış simaları qatılıblar. Qeyd edək ki, Bəsti Sevdiyeva biri qız, biri oğlan olmaqla iki övlad anasıdır. Bu, sənətçinin ailəsində baş tutan ilk toydur. 

 

Sevda Məmmədova

 

Muztv.az