"Kara sevda"nın "Nihan"ının idman üslubu

"Kara sevda" serialının "Nihan"ı Neslihan Atagül paparatsilərin hədəfinə düşüb. 

    "Kara sevda" serialının "Nihan"ı Neslihan Atagül paparatsilərin hədəfinə düşüb. Axşam.az-ın Türkiyə mətbuatına istinadən məlumatına görə, ticarət mərkəzlərindən birində alış-veriş edərkən görüntülənən aktrisa serial haqda danışaraq hər şeyin çox yaxşı olduğunu bildirib. İdman üslubunda geyinən Neslihan daha sonra rəfiqəsi ilə yemək yeyib. Aktrisanın kökəlməsi də diqqətdən yayınmayıb.

    Müğənni Sibel Can dünən xəstə qohumunu ziyarət etmək üçün doğulub böyüdüyü Karagümrükdə olub. Bibisinin evindən çıxarkən görüntülənən ifaçı təəccübünü gizlətməyib: "Məni hardan tapdınız, uşaqlar? Təəccübləndim... Mən buralarda böyümüşəm. Bura mənim məskənimdir".

     Aktrisa Burcu Kara sosial şəbəkə izləyiciləri ilə şad xəbərini paylaşıb. Fevralda rejissor Fırat Parlakla ailə quran aktrisa ailələrində körpə doğulacağı müjdəsini verib. İzləyicilər əvvəlcə Burcunun hamilə olduğunu düşünsələr də, aktrisa bacısı ilə fotosunu paylaşaraq “Müqəddəs bir gün... Ailəmizə balaca xanım gəlir. İki ay var gəlməyinə... Siz məndən gözləyirdiniz, amma qismətimdə xala olmaq var imiş” sözlərini yazıb. 

     Dünyaca məşhur müğənni Rihanna Kanadanın Toronto şəhərində konsert proqramı ilə çıxış edib. Tüldən libas geyinən müğənni, mahnıları ilə yanaşı şouları ilə də sevənlərinə maraq dolu dəqiqələr yaşadıb. Rihanna konsertində bir zaman sevgili olduğu reper Dreyklə həm mahnı ifa edib, həm də rəqs edib. Cazibədar müğənni ilə reperin cəsarətli rəqsi alqışlarla qarşılanıb.

 

Sevda Məmmədova

 

Muz-Tv.az