Rihanna və Leonardo DiKaprio yenidən medianın diqqətindədir

"Coachella" festivalında baş verənlər medianın diqqətini yenə də özünə çəkə bilib.

    "Coachella" festivalında baş verənlər medianın diqqətini yenə də özünə çəkə bilib.Axşam.az-ın xarici KİV-ə istinadən məlumatına görə, hər il çoxlu sevgi dedi-qoduları ilə gündəmə gələn tədbirin sürpriz cütlüklərindən biri müğənni Rihanna və aktyor Leonardo DiKaprio olub. İki ildir ki, müxtəlif vaxtlarda bir arada görünən cütlüyün sevgili olması haqda şayiələr unudulduğu anda yenidən səmimi şəkildə söhbətləşmələri paparassilərin diqqətindən qaçmayıb.

    Hollivudun 28 yaşlı ulduzu Bleyk Layvli hamilədir. Aktrisanın ilk övladı 2014-cü ildə dünyaya gəlmişdi. Bir müddət əvvəl jurnalistlərdən qarnını gizlətməyə çalışan Bleyk artıq hamiləliyini etiraf edib. Qeyd edək ki, Layvli həyat yoldaşı Ryan Reynoldsla "Yaşıl fanar" filminin çəkilişləri zamanı tanış olmuş, 2012-ci ildə nikah masasına oturmuşdu.

    Aktrisa Hazal Kaya və həmkarı, sevgilisi Ali Atay gecə əyləncələrinin birindən çıxarkən görünüblər. İlk dəfə səmimi şəkildə paparassilərin hədəfinə düşən cütlük taksi gözləyərkən özlərini itiriblər.Qucaqlaşan sevgililər taksinin gecikməsindən narahat olublar. Avtomobil gəlincə sürücüyə "bir dəqiqə daha tez gəlsəydin, nə yaxşı olardı" deyən Ali sevgilisiylə birgə məkandan uzaqlaşıb.

    Müğənni Sinan Özen iki ildir sevgili olduğu Burcu Kartalla evlənir.Mayın 22-də baş tutan toya sənət, siyasət, idman və iş dünyasından 500-dən çox qonaq qatılacaq. 52 yaşlı S.Özenin nikah şahidliyini prezident Rəcəb Tayyip Ərdoğan edəcək. Toydan sonra cütlük bal ayını keçirmək üçün İtalyaya gedəcək. Qeyd edək ki, cütlük keçən ilin iyununda nişanlanıb.

 

Əhəd Miriyev

 

MuzTv.az