Aygün Kazımovanın Miri Yusiflə dueti

Xalq artisti Aygün Kazımova ilə müğənni Miri Yusifin birlikdə fotosessiya etdirməsinin səbəbi bəlli olub. 

   Xalq artisti Aygün Kazımova ilə müğənni Miri Yusifin birlikdə fotosessiya etdirməsinin səbəbi bəlli olub. Axşam.az-ın məlumatına görə, M.Yusif bir neçə il əvvəl oxuduğu "Bağışla" mahnısını bu dəfə A.Kazımova ilə birlikdə yeni aranjimanda səsləndirib. Bəstənin sözləri və musiqisi M.Yusifə məxsusdur. 

   Xalq artisti Gülyaz Məmmədova kökəlməkdən şikayətlənib. Müğənni açıqlamasında pəhrizə başlayacağını vurğulayıb. O, 14 kiloqram kökəldiyini deyib:"Elə bilirlər plastik əməliyyat etdirmişəm. Yalandır. Əvvəl 48 kiloqram idim. İndi 62 kiloqrama qalxmışam. Bundan sonra pəhriz saxlamalı olacam".G.Məmmədova bacısı Gülyanaq Məmmədova ilə küsməsi xəbərlərinə münasibət bildirib:"Bu sözü tez-tez eşidirik. Deyirik, bunlar hardan tapır belə yalanı. Ailə ilə bağlı sözbətləri necə danışırlar. Belə şey ola bilməz".

   Əməkdar artist İlqar Muradovun rol aldığı "Xeyirlə Şərin rəqsi" adlı film nümayişə hazırdır. Ekran işinin qala gecəsi mayın 27-də Nizami Kİno Mərkəzində baş tutacaq. Filmin rejissoru Yavər Rzayevdir. "Xeyirlə Şərin rəqsi" filmi Yazıçılar Birliyinin katibi Çingiz Abdullayevin "Quba kapriççiosu" romanı əsasında ekranlaşdırılıb.İ.Muradov ekran işində Dronqo obrazını yaradıb. Digər rolları xalq artistlər Məbud Məhərrəmov və Şükufə Yusupova, əməkdar artistlər Qurban İsmayılov, Ayşad Məmmədov, Şövqi Hüseynov, aktyorlar Əjdər Zeynalov, Rasim Cəfərov, Münəvvər Əliyeva və digərləri ifa edir.

   Əməkdar artist Mətanət İsgəndərli sevdiyi rənglərdən və dəbdən söz açıb.Gecce.az xəbər verir ki, müğənni açıqlamasında açıq rəngləri çox sevdiyini bildirib:"Ən sevdiyim ağ rəng olub. Artıq çəki problemim olan zaman bu rəngdən imtina etmişdim. Əhval-ruhiyyə gətirən açıq rəngləri sevirəm. Amma efirə, ictimaiyyət qarşısına çıxanda rəng seçimimə diqqət edirəm. Mərcan, qırmızı rəngləri çox xoşlayıram. Tünd tonlar mənə yaxın deyil. Bu rəngdən ancaq geyimin modeli gözəl olduğu təqdirdə istifadə edə bilərəm".

 

Əhəd Miriyev

 

MuzTv.az