Tanınmışlar "Mən Qarabağam" adlı layihə üçün bir araya gəldi

Sənət aləminin tanınmış simaları "Mən Qarabağam" adlı layihə üçün bir araya gəlib. 

    Sənət aləminin tanınmış simaları "Mən Qarabağam" adlı layihə üçün bir araya gəlib. Axşam.az-ın məlumatına görə, video çarxda yer alan müğənni Miri Yusif, Dilarə Kazımova, Azad Şabanov, Emilya Yaqubova, prodüser Emin Əfəndi, aparıcılar Nanə Ağamalıyeva, Tural Əsədov, aktyor Azər Baxşəliyev, idmançı Kamil Zeynallı və başqaları Qarabağın tarixi, ermənilər tərəfindən işğal olunması ilə bağlı müxtəlif fikirlər səsləndirib. "Mən Qarabağam" torpaqlarımızın azadlığı uğrunda canından keçmiş şəhidlərimizə həsr olunub.

    Əməkdar artist Röya "Düşürsən tez-tez yada" adlı yeni mahnısını təqdim edib.Bəstənin sözləri Arzu Yəhyayevaya, musiqisi isə Faiq Sücəddinova məxsusdur. Mahnının aranjiman işi Muxtar Abseynova həvalə olunub.

    Müğənni İradə İbrahimova ailə qurmasından 7 il ötdüyünü bildirib. İfaçı həyat yoldaşı Ceyhun İzerlə fotosunu paylaşaraq təəssüratlarını bölüşüb:"Bu gün bizim 7 ilimizdir. Yaxşı gündə, pis gündə, xəstəlikdə, sağlıqda bərabər olacağımıza söz vermişdik. Həqiqətən də həyat hər zaman sevgili olduğumuz günlərdəki kimi keçmir. Evlənəndə etdiyiniz andlar nə qədər vacib imiş. Hər ikimizin ailəsində itkilərimiz, cənazələrimiz, doğumlar, toylar, üzüntülər, xoşbəxtliklər yaşayarkən həm sevgimizi böyütdük, həm də özümüz böyüdük. Ana-ata olduq, çoxaldıq, rəngləndik, daha da zənginləşdik. İnşallah əl-ələ hüzurla yaşlanaq".Qeyd edək ki, hazırda İstanbulda yaşayan İ.İbrahimovanın bir qız, bir oğlan övladı var.

    Müğənni Elton Hüseynəliyev "Eşidirsənsə tələs" adlı yeni mahnısını təqdim edib.Bəstənin sözləri Arif Buzovnalıya, musiqisi Aygün Səmədzadəyə məxsusdur.

 

Əhəd Miriyev

 

MuzTv.az