Aygün Kazımova Yıldız Tilbeyə qalib gəldi

Türkiyənin “TMB” kanalında keçirilən “Pərəstişkarların savaşı” (“Fan savaşları”) adlı yarışmanın növbəti iştirakçıları xalq artisti Aygün Kazımova və müğənni Yıldız Tilbe olub. 

    Türkiyənin “TMB” kanalında keçirilən “Pərəstişkarların savaşı” (“Fan savaşları”) adlı yarışmanın növbəti iştirakçıları xalq artisti Aygün Kazımova və müğənni Yıldız Tilbe olub. Axşam.az-ın məlumatına görə, hər iki ifaçının fotosu kanalın “Facebook” səhifəsinə yerləşdirilib və sevənləri tərəfindən bəyənilib. A.Kazımova 51 faiz səs toplayaraq birinci olub. Qeyd edək ki, yarışmanın qaydasına əsasən birinci olan ifaçının mahnıları və klipləri gün ərzində adıçəkilən kanalda nümayiş edilir.

    Müğənni Gülay Zeynallı “Sənsizləmişəm” adlı yeni mahnısını təqdim edib. Bəstənin sözləri və musiqisi Hacı Nazimə məxsusdur. Mahnının aranjiman işi Fərid İmana həvalə olunub. G.Zeynallı açıqlamasında “Sənsizləmişəm”i çox bəyəndiyini və ona klip də çəkdirəcəyini bildirib.

    Müğənni Kərim Abbasov xalq artisti Nisə Qasımovanın repertuarına müraciət edib.İfaçı N.Qasımovanın 20 il bundan əvvəl oxuduğu “Arzular” mahnısını səsləndirib. Bəstənin sözləri Vüqar Əhmədə, musiqisi isə Nailə Mirməmmədliyə məxsusdur.

    Müğənni Aysel Əlizadə tədbirlərin birində fotokamera qarşısına keçərək şəkillər çəkdirib. İfaçı açıqlamasında yaradıcılığındakı yeniliklərdən danışıb:“Yeni fotosessiyaya hazırlaşırıq. Buna görə də imicimdə dəyişiklik olacaq. Bir də albomuma təqdimat edəcəm. Albom uzun müddətdir hazırdır, amma cəbhədə baş verənlərlə bağlı təqdim edə bilmirəm”.

 

Əhəd Miriyev

 

MuzTv.az