Tünzalə Ağayeva solo konsertə hazırlaşır

Əməkdar artist Tünzalə Ağayeva solo konsertə hazırlaşır. 

    Əməkdar artist Tünzalə Ağayeva solo konsertə hazırlaşır. Axşam.az-ın məlumatına görə, müğənni mayın 27-də “Yaşıl Teatr”ın səhnəsində çıxış edəcək. “İmza” adlanan gecədə T.Ağayeva sevilən mahnılarını canlı ifa edəcək.

    Müğənni Sevinc Musayeva “Cənab leytenant” mahnısını yeni versiyada təqdim edib. Sənətçinin akustik versiyada hazırladığı mahnı sosial şəbəkədə yayılıb. Qeyd edək ki, bəstənin ilk ifaçısı Şəmistan Əlizamanlı olub. Mahnının söz və musiqisi Şahin Musaoğluna aiddir.

    Meyxanaçı Namiq Qaraçuxurlu istirahətə yollanıb. Tiflisdə dincələn sənətçi fotolarını sosial şəbəkədə paylaşıb. O, şəklə “Tiflisdə Ulu öndər Heydər Əliyevin adına park. Böyük fəxarət hissi ilə dolu bir xatirə fotosu” şərhini yazıb.

    Yumor ustası Fərda Xudaverdiyev “Selfinaz” adlı stand-up şou hazırlayır. Aktyor açıqlamasında bu layihə üzərində 2,5 ildir ki, çalışdığını deyib:“Çox maraqlı məqamlar olacaq. Səhnədə tək olacağam və tamaşaçıları o ki var güldürəcəm. Azərbaycanda bu günə kimi belə bir şou olmayıb. 2,5 ildir ki, bu layihə üzərində çalışıram”.Mayın 5-də Nizami Kino Mərkəzində reallaşacaq şouya biletləri şəhərin və mərkəzin kassalarından əldə edə bilərsiniz. 

 

Əhəd Miriyev

 

MuzTv.az