Mətanət İsgəndərli: “Ayda 3 toya gedəndə sevinirik”

Əməkdar artist Mətanət İsgəndərli toyların olmamasından gileylənib.

   Əməkdar artist Mətanət İsgəndərli toyların olmamasından gileylənib.Milli.Az xəbər verir ki, sənətçi açıqlamasında qiymətlərin aşağı düşdüyünü bildirib:"İndi toyların sayı azalıb, qiymətlər aşağı düşüb. Ayda 3 toya gedəndə sevinirik.  İmkanlılar da müğənniyə toy üçün istədikləri pulu vermirlər, kasıblarda da heç vaxt pul olmayıb. Mən kasıb müğənnisiyəm, imkanım çatdıqca toylarına gedirəm. Vergilər Nazirliyinin vergilərlə bağlı açıqlamasından sonra müğənnilərin getdiyi toyu gizlətdiyini deyirlər, lakin bu həqiqət deyil. Artıq toylar yoxdur, əvvəl ayda 20 toya gedirdiksə, indi 4 toyda çıxış edirik".

   Müğənni Elnur Məmmədov da vətənpərvərlik mövzusunda mahnıya müraciət edib. Axşam.az-ın məlumatına görə, “Vətənim Füzuli” adlanan bəstənin sözləri və musiqisi Zöhrab Abdullayevə məxsusdur. Mahnının aranjiman işi Vüsal Ömərova həvalə olunub. 

   Müğənni Kərim Abbasov “Nazlı Nigar” adlı yeni mahnısını təqdim edib. Bəstənin sözləri və musiqisi Tağı Salahoğluna məxsusdur. K.Abbasov mahnı ilə yanaşı yeni fotosessiya da etdirib. Şəkillərin müəllifi Elgün Zamandır. 

    Məşhur italyan müğənni Eros Ramazzotti artıq Bakıdadır. İfaçı sosial şəbəkədə paytaxtımızın görüntüsünü paylaşıb. Hazırda “Flame Towers” olan Ramazzotti videosuna “Sabahın xeyir Bakı” şərhini yazıb. Daha sonra isə təşkilatçı Anar Reyband müğənni ilə çəkdirdiyi şəklini paylaşıb. E.Ramazzotti sabah Bakı Kristal Zalında səhnəyə çıxacaq.

 

Əhəd Miriyev

 

MuzTv.az