Elçin Cəfərov toyunun mediaya qapalı olmasına aydınlıq gətirdi

Yeni ailə həyatı quran müğənni Elçin Cəfərov toyunun mediaya qapalı olmasına aydınlıq gətirib.

    Yeni ailə həyatı quran müğənni Elçin Cəfərov toyunun mediaya qapalı olmasına aydınlıq gətirib.Qafqazinfo  xəbər verir ki, E.Cəfərov bu addımı qonaqların rahatlığı üçün atdığını bildirib:“Sənət dostlarımız toyda çəkilən fotolar paylaşdı. Burada qəbahət bir şey görmürəm. Onlar xoş günümə sevindikləri üçün belə addım atdılar. Mətbuatın toyumda olmağına icazə vermədim. Ona görə ki, qonaqlar narahat olacaqdı. Yeyib-içən camaata, müğənnilərə kameralar yaxınlaşacaqdı, müsahibə alacaqdılar. Toy şouya çeviriləcəkdi. Onsuz da sənətçilər çox idi, bəy və gəlinlə də şəkil çəkil çəkdirib paylaşdılar. Pis başa düşülməsin, sadəcə icazə vermək istəmədim”.

    “Eurovision 2016” yarışmasında ölkəmizi təmsil edəcək Səmra Rəhimlinin promo-turları davam edir.Axşam.az-ın məlumatına görə, Serbiyada olan müğənni 2007-ci ildə “Eurovision” müsabiqəsində qalib olan serbiyalı Mariya Şerifoviçlə görüşüb. Birlikdə yeməyə çıxan ifaçılar söhbət edib, mahnı səsləndirib. Mariya “Yadımda ən çox qalan və mənim üçün möhtəşəm olan “Eurovision”dan biri Bakıda keçirilən olub” deyə bilib.

    Müğənni Miri Yusif solo konsertə hazırlaşır. Tədbir iyulun 8-də və 9-da “Yaşıl Teatr”da baş tutacaq. Saat 20:00-da başlayacaq konsertə biletlər şəhərin kassalarında satılır.

     Müğənni-bəstəkar Murad Arif yaradıcılığında yenilik edəcək. Müğənni  ilk dəfə süjet xətti olan klip çəkdirəcəyini deyib. O, yeni yazdığı “Dondurma” mahnısını kliplə birgə təqdim etmək istədiyini söyləyib:“Klipin rejissoru Cəlal Kəngərli olacaq. Çox maraqlı və rəngarəng bir ssenarimiz var. İlk dəfə süjet xətti olan klip çəkdirirəm. Tərəf müqabilim olmayacaq. Amma klipdə çox tanınmış xanımla bəy çəkiləcək. Onlar bir-birini məhv edəcəklər. Mən "yayın hiti, klipi" iddiasında deyiləm. Ürəyimdən keçən işi görürəm".M.Arif bu klip üçün geyim tərzində də dəyişiklik edəcəyini bildirib:"Artıq 90 kiloqramam. İki ildir bu çəkidən düşmürəm. 25 kiloqram itirmişəm. Bu, halım məni qane edir. Sırf bu klip üçün arıqlamağı düşünmürəm, amma geyim tərzimi dəyişəcəm. Birotaqlı evdə yaşayıram, bahalı maşın sürmürəm, amma hər gün işləyirəm. Sənətimi çox sevirəm, hədəflərim yüksəkdir. On ildən sonra bu gün oxuyanların çoxu kənara çəkiləcək, yarısı toya yönələcək. Amma Murad Arif gündəmdə olacaq. Mən təsadüfi insan deyiləm, özü yazıb, özü oxuyan biri unudulmaz".

 

Əhəd Miriyev

 

MuzTv.az