Beyons heyran etdi, bacısı isə lağ hədəfi oldu

Dünən Nyu-Yorkda baş tutan "Bal İnstitu geyimləri" (Met Gala) tədbirinin builki mövzusu "texnologiya dövründə dəb" olub. 

   Dünən Nyu-Yorkda baş tutan "Bal İnstitu geyimləri" (Met Gala) tədbirinin builki mövzusu "texnologiya dövründə dəb" olub. Axşam.az-ın xarici KİV-ə istinadən məlumatına görə, qırmızı xalça üzərində diqqət çəkənlərdən biri də müğənni Beyons olub. O, "Givenchy”dən geyindiyi libasla göz oxşayıb. Lakin ifaçının bacısı Solanc tədbirin mövzusuna uyğun davranmağa çalışaraq avanqard görünməyə çalışsa da, seçimi uğursuz olub və lağ hədəfinə çevrilib. Diqqət çəkən digər məqam isə Beyonsun mərasimə həyat yoldaşı, rep ifaçısı Cey Zi olmadan qatılması olub. Qeyd edək ki, Beyonsun yeni buraxdığı "Lemonade" albomunda bütün mahnıların ərinin ona xəyanətinə həsr etdiyi iddia edilir.

   Müğənni Madonna və "Givenchy"nin yaradıcı direktoru Rikkardo Tişi yenə də hər kəsi təəccübləndiriblər.  "Met Gala 2016"da 57 yaşlı ifaçı Rikkardonun onun üçün hazırladığı növbəti qalmaqallı geyimi geyinib. O, Nyu-Yorkun Metropolitan muzeyində baş tutan tədbirdəki obrazıyla yenidən fanatlarının qınağına məruz qalıb. Sosial mediada fanatlar qeyd ediblər ki, Madonnanın bədəni nə qədər yaşına görə ideal, idmançı görüntülü olsa da, onlar bu qədər açıq-saçıqlıq gözləmirdilər. Qeyd edək ki, Madonna 2015-ci ildə "Qremmi" mükafatlarının təqdimatına geyindiyi libası ilə də gündəm olmuşdu.

     41 yaşlı Hollivud ulduzu Leonardo DiKaprio 24 yaşlı ingilis modellə eşq yaşayır. Oskar mükafatlı aktyor obrazları qədər eşqbazlığıyla da adını tez-tez gündəmə gətirib. Könlünü özündən 17 yaş kiçik Roksi Horner verdiyi bildirilən aktyor hər kəsi təəccübləndirib. Mətbuat cütlüyün fevralda Londonda görüşmələrinin ardından, bu dəfə Nyu-Yorkda romantik bir yemək yediyini yazıb.

    Müğənni Sezen Aksu 4 il əvvəl Göksu dərəsi kənarında aldığı villanı satışa çıxarıb. Müğənni studiya kimi istifadə etdiyi mülkün ətrafında pis qoxular gəldiyi üçün oranı satmaq istəyir.  Müğənni eyni səbəbdən alıcı tapa bilmədiyi malikanəni 5 milyon lirəyə (təxminən 2,5 milyon mana) satır.

 

Sevda Məmmədova

 

Muz-Tv.az