Xalq artisti anasına mahnı oxudu

Xalq artisti Gülyanaq Məmmədova “Ana" adlı yeni mahnısını təqdim edib. 

    Xalq artisti Gülyanaq Məmmədova “Ana" adlı yeni mahnısını təqdim edib. Axşam.az-ın məlumatına görə, bəstənin sözləri Mahirə Nağıqızına, musiqisi Arif Səlimova məxsusdur. Qeyd edək ki, G.Məmmədova hər zaman bacısı Gülyaz Məmmədova ilə birlikdə oxuyub.

    “Eurovision 2016”da ölkəmizi təmsil edəcək Səmra Rəhimli yarışmanın keçiriləcəyi Stokholma yollanıb. İfaçının “Qloben-Arena”dakı məşqləri başlayıb. Məşq zamanı çəkilən fotolarını paylaşan Səmra “İkinci gün, "Eurovision” səhnəsinə hazırlaşırıq” şərhini yazıb. Qeyd edək ki, S.Rəhimli müsabiqədə ölkəmizi “Miracle” mahnısı ilə təmsil edəcək. “Eurovision 2016”nin birinci yarımfinalı mayın 10-da, ikinci yarımfınalı 12-də, final isə 14-də baş tutacaq.

     Aktrisa Gülsara yaz istirahətinə yollanıb. Aktrisa bunun üçün Birləşmiş Ərəb Əmirliklərinə üz tutub. Gülsara Dubayda çəkdirdiyi fotoları sosial şəbəkədə paylaşıb. Qeyd edək ki, Gülsara tamaşaçılara “Yarımdünya” filmindəki obrazı və türkiyəli ifaçı Ziynet Sali ilə oxuduğu “Follow me” dueti ilə tanışdır.

    Müğənni İradə İbrahimova sosial şəbəkədə qızı İpək və oğlu Əlinin fotosunu paylaşıb. Sənətçi şəklə “Çirkinlərim. Allaha əmanət olun” şərhini yazıb. Qeyd edək ki, İ.İbrahimova türkiyəli iş adamı Ceyhun İzərlə ailəlidir və İstanbulda yaşayır.

 

Sevda Məmmədova

 

Muz-Tv.az