Gəncədə Azərbaycanın ikinci ən böyük kinoteatrı açıldı

Azərbaycanın ikinci ən böyük şəhəri olan Gəncədə ilk dəfə olaraq kinosevərlər üçün “Cinemaplus” kinoteatrı fəaliyyətə başlayıb. Ş

     Azərbaycanın ikinci ən böyük şəhəri olan Gəncədə ilk dəfə olaraq kinosevərlər üçün “Cinemaplus” kinoteatrı fəaliyyətə başlayıb. Şəhərin mərkəzində yerləşən “Xəmsəpark” ticarət mərkəzinin 4-cü mərtəbəsində tikilən kinoteatın açılışına bir çox məşhurlar və rəsmilər dəvət olunub.Tanınmış aktyor və rejissor İlham Qasımov regionda belə bir teatrın istifadə verilməsinin kino sektorunun inkişafına təkan verəcəyini söyləyib. Məşhur yumorist Müşfiq Şahverdiyev də açılışa gələnlər arasında olub. Tədbir “Cinemaplus” kinoteatrlar şəbəkəsinin baş müdiri Zaur Darabzadənin nitqi ilə başlayıb. Avropa gənclər şəhəri seçilən Gəncə şəhərinin icra hakimi Elmar Vəliyev də kinoteatr haqqında danışıb. Tədbirin rəsmi hissəsi bitdikdən sonra, Gəncə şəhəri İcra Hakimi Elmar Vəliyev və Zaur Darabzadə kinoteatrın qırmızı lentini kəsərək “Cinemaplus”-u gəncəlilərə açıq elan etdilər.

 

Rəvan Nasiroğlu

Elfaq Lələyev

 

Muz-Tv.az