Xalq şairi Söhrab Tahir dünyasını dəyişdi

 Azərbaycanın xalq şairi, tanınmış publisist Söhrab Tahir vəfat edib.

   Azərbaycanın xalq şairi, tanınmış publisist Söhrab Tahir vəfat edib.Şəkər xəstəliyindən əziyyət çəkən şairin bu yaxınlarda hər iki ayağı amputasiya olunmuşdu.Söhrab Tahir 1926-ci il avqustun 6-da İranın Astara şəhərində sənətkar ailəsində anadan olub. "Səadət" və "Şahpur" məktəblərində 9-cu sinfədək təhsil alıb.1946-cı ildə Bakıya təhsil almağa göndərilib. 1950-ci ildə Bakı Tibb Məktəbində stomatoloq və feldşerlik ixtisası üzrə təhsil alıb. O, 1952-1957-ci illərdə ADU-nun filologiya fakültəsində oxuyub. Azərbaycan Yazıçılar Birliyi idarə heyətinin, "Literaturnıy Azerbaydjan" jurnalı redaksiya heyətinin, "Yazıçı" nəşiryyatının bədii şurasının, Azərbaycan Ədəbiyyat Fondu idarə heyətinin üzvü, Azərbaycan Yazıçılar Birliyi şeir şurasının sədri (1986-1991) olmuşdur. 2006-cı ildə Azərbaycan Respublikası prezidentinin sərəncamı ilə "Şöhrət" ordeninə layiq görülüb.

Allah rəhmət etsin.

    Əməkdar artist Röya Ayxan özü ilə bağlı yayılan videoya münasibət bildirib. Axşam.az-ın məlumatına görə, videoda müğənni toyda oxuyarkən bir gənc səhnənin qarşısına gəlib, onunla selfi çəkdirmək istəyir. R.Ayxan isə həmin an oğlana arxasını çevirib. Onun bu hərəkəti sosial şəbəkədə birmənalı qarşılanmayıb. Hər kəs ifaçının qeyri-etik addım atdığını bildirib.Müğənni açıqlama verərək, həmin gənclə dost olduğunu deyib. O, hətta gənclə fotosunu da paylaşıb:“Baxın, bu da oğlanın özü. Bizim münasibət və ortada olan sevgi gözəldir. Sadəcə, qıraqdan kim çəkibsə, o bunu öz adına layiq təqdim etdi. Vladik, sənə görə az qala məhkəmə olacaq”.

   "Eurovision 2016"təmsilçimiz Səmra Rəhimlinin "Qlob Arena"dakı məşqləri artıq başlayıb. PrimeTime.Az xəbər verir ki, Azərbaycanı bu ay keçiriləcək "Eurovision" müsabiqəsində təmsil edəcək Səmra Rəhimli İsveçin paytaxtı Stokholm şəhərində yerləşən " Qlob Arena"da ilk məşqini edib. Azərbaycanın bu ilki səhnə tərtibatı "Alisa möcüzələr ölkəsində" adlı əsərə əsaslanır. Səmra Rəhimli səhnədə iki qadın və iki kişi olmaqla dörd rəqqas tərəfindən müşayiət olunacaq.Səhnə tərtibatının müəllifi 2009-cu ildə Azərbaycanı müsabiqədə təmsil etmiş Aysel və Araşın çıxışının rejissoru olmuş Royn Söderluntdur

   İzmirdə tanınmış modelyer Tolqa Çamın geyimlərindən ibarət dəfilə keçirilib. Görmə əngəlli tələbələrin təhsilinə dəstək məqsədiylə keçirilən tədbirdə podiuma çıxan modellər arasında qardaş ölkədə yaşayan həmyerlimiz Günay Musayeva da yer alıb. Günay qırmızı transparan libasıyla diqqət çəkib. Dəfiləni gecəyə qatılan 500-dən çox insan izləyib.

 

Əhəd Miriyev

 

MuzTv.az