Tünzalə Ağayeva Lara Fabianın mahnısını oxudu

Əməkdar artist Tünzalə Ağayeva “Musicbeez” sosial şəbəkəsində dinləyicilərin istəyi ilə məşhur ulduz Lara Fabianın “Adagio” mahnısını səsləndirib.

    Əməkdar artist Tünzalə Ağayeva “Musicbeez” sosial şəbəkəsində dinləyicilərin istəyi ilə məşhur ulduz Lara Fabianın “Adagio” mahnısını səsləndirib. Axşam.az-ın məlumatına görə, saytda keçirilən səsvermə zamanı 3 mahnı müzakirəyə qoyulub. Onlar arasında Elmira Rəhimova “Sən yadıma düşəndə”, Lara Fabian “Adagio” və Üzeyir Hacıbəyovun “Sevgili canan” mahnıları yer alıb. İzləyicilər 40,4 faiz səs verərək, T.Ağayevanın Lara Fabianın mahnısını oxumasını istəyib. Əməkdar artist bəstəni özünəməxsus tərzdə səsləndirib.

    “Eurovision” qalibimiz Eldar Qasımov dünya ulduzu Beyonsun səhnə və səhnədən kənar həyatını yaxından izləmək arzusundadır.İfaçı bu barədə açıqlamasında bildirib: “Dünya ulduzlarının səhnədən kənar həyatı məni çox maraqlandırır. Onlar işçi heyəti ilə necə rəftar edir, studiyada necə çalışırlar, bunları yaxından görmək istəyirəm. “Eurovision”da səhnə təcrübəsi qazanandan sonra bir çox ulduzların harada düz hərəkət etmədiklərini, düz danışmadıqlarını görə bilirəm. İndiyə qədər istəmişəm Beyonsun konsertinə gedim. Onun səhnə həyatı, eləcə də səhnədən kənar həyatı valehedicidir, mənim çox xoşuma gəlir”. E.Qasımov depressiyaya tez-tez düşdüyünü etiraf edib:
“Özüm-özümü depressiyaya salıram. Xoşlayıram bu halı. Özümə qapananda yaradıcılıqda yenilik edirəm. Buna bir o qədər ağır depressiya demək olmaz”.

    Məşhur italyan müğənni İnqrid bir neçə gün əvvəl Gəncənin qonağı olub. İfaçı “Gəncə-2016-cı il Avropa Gənclər Paytaxtı”nın açılış mərasimində səhnəyə çıxıb. O, məşhur “Sarı gəlin” xalq mahnımızı oxuyub. İnqirdin bu ifası alqışlarla qarşılanıb. Qeyd edək ki, italyan müğənni Azərbaycanda yeni albom hazırlayır. Diskə Azərbaycan, italyan, ingilis və fransız dilində mahnılar daxil olacaq.

   Prodüser Tarix Əliyev (Tolik) birlikdə çalışdığı müğənnilər Elton Hüseynəliyev, Sevil və Sevinc haqqında yayılan şayiələrə son qoyub. Tolik ayrılma xəbərlərinin yalan olduğunu bildirib: “Mən başımı aşağı salıb, öz, Sevil və Sevincin, Elton Hüseynəliyevin işlərini görürəm. Kimlərsə arada söz yayır ki, guya biz ayrılmışıq, dava etmişik. Allah sizin də işlərinizi rast gətirsin. Artıq bilmirsiniz ki, nə danışasınız. Amma narahat olmayın, bizdə hər şey superdi”.

 

Əhəd Miriyev

 

MuzTv.az