“Eurovision 2016”-nın açılış mərasimi reallaşdı

 İsveçin paytaxtı Stokholmda “Eurovision 2016” müsabiqəsinin təmtəraqlı açılış mərasimi baş tutub.

     İsveçin paytaxtı Stokholmda “Eurovision 2016” müsabiqəsinin təmtəraqlı açılış mərasimi baş tutub. Axşam.az-ın məlumatına görə, gecədə 61 ölkənin təmsilçisi qırmızı xalçadan keçib. Mərasimi ötən il İsveçi təmsil edən və birinci olan Mans Zelmerlou və müsabiqənin aparıcısı Petra Mede açıb.Saat 19:00-dan başlayan mərasimdə təmsilçimiz Səmra Rəhimli 23-cü olaraq qırmızı xalçadan keçib. Yaşıl sinə dekolteli libası ilə diqqət çəkən müğənni media nümayəndələrinin suallarını cavablandırıb. Qeyd edək ki, “Eurovision 2016” mayın 10-dan 14-nə kimi baş tutacaq. S.Rəhimli yarışmada “Miracle” mahnısını səsləndirəcək.

    Sosial şəbəkədə yazılan tənqidlər əməkdar artist Abbas Bağırovu özündən çıxarıb. Müğənni şəkillərini qınayan izləyicilərinə sərt cavab verib:“Səhifəmdə paylaşılan şəkillər mənim şəxsi istəyimlədir və şəxsi işimdir. Kiminsə sifarişi ilə və ya kiminsə xoşuna gəlib-gəlməyəcəyini düşünmürəm. Çünki hər şeyin qədərini və həddini bilən insanam. Hörmətsiz deyiləm ki, buradakı insanları da hörmətsiz hesab edim. Boş-bekar, qatıq yeməyi sevən insanlara demək istəyirəm ki, yeyəndə kənara dağıtmayın. Sakit qatığınızı yeyin. Kimsə mənə şərh yazanda diqqətli olsun və çasmasın. Cavab verməyəcəyimə əmin olun, çünki kimsə çaşanda, demək, o insan yerini bilməyən və başında böyük qüsura sahibidir”.

    Müğənni Gülay Zeynallı “Gülay adı brenddir” açıqlamasına aydınlıq gətirib. O,açıqlamasında bunları bildirib:“Verilişlərdə müxbirlərin sualları səslənmir. Ona görə də mənim həmin ifadəni hansı mənada işlətdiyim bilinmir. İndi hara gedirəm, Gülay adı gələndə hörmətlə qarşılanır. Artıq ad mənim üçün çalışır. Hər kəs bilir ki, yekəxana insan deyiləm”.

    Rəqqasə Fatimə Fətəliyeva  Amerikaya gedib.O, ötən gecə müğənni Rüfət Axundov ilə yola düşüb . Bu barədə rəqqasə öz İnstaqram səhifəsində bildirib. 

 

Əhəd Miriyev

 

MuzTv.az